ສ້າງເງື່ອນໄຂເພື່ອໃຫ້ວິສາຫະກິດພັດທະນາແບບຍືນຍົງ
ທ່ານຮອງນາຍົກລັດຖະມົນຕີ ຫວູດຶກດາມ, ທີ່ການຕ້ອນຮັບຄະນະບໍລິຫານງານສະພາວິສາຫະກິດເພື່ອການພັດທະນາແບບຍື່ນຍົງ ຫວຽດນາມ
(ພາບ: nguyentandung.org)
(vovworld) – ບັນດານະໂຍບາຍ, ຂໍ້ສະເໜີສ້າງເງື່ອນໄຂໃຫ້ບັນດາວິສາຫະກິດພັດທະນາແບບຍື່ນຍົງຄື: ປ່ຽນໃໝ່ເຕັກໂນໂລຢີ, ສິນເຊື່ອບຸລິມະສິດ… ຕ້ອງໄດ້ຮັບການສະເໜີ, ກໍ່ສ້າງຢ່າງລະອຽດ, ແທດຈິງ. ນີ້ແມ່ນຄຳເຫັນຂອງທ່ານຮອງນາຍົກລັດຖະມົນຕີ ຫວູດຶກດາມ, ທີ່ການຕ້ອນຮັບຄະນະບໍລິຫານງານສະພາວິສາຫະກິດເພື່ອການພັດທະນາແບບຍື່ນຍົງ ຫວຽດນາມ, ໃນຕອນບ່າຍວັນທີ 10/12.
ຕາມທ່ານຮອງນາຍົກລັດຖະມົນຕີແລ້ວ, ພື້ນຖານເສດຖະກິດ ຫວຽດນາມ ຍັງຄົງສືບຕໍ່ວິວັດການຫັນປ່ຽນ, ຂໍ້ກຳນົດການຕະຫຼາດດີໂດຍພື້ນຖານແລ້ວແຕ່ເພື່ອສ້າງເງື່ອນໄຂໃຫ້ບັນດາວິສາຫະກິດພັດທະນາແບບຍືນຍົງຍັງມີວຽກງານບາງຢ່າງຕ້ອງສືບຕໍ່ຍູ້ແຮງ. ໄລຍະຈະມາເຖິງ, ລັດຖະບານສືບຕໍ່ສຸມໃສ່ປະຕິບັດສຳເລັດລະບອບການຕະຫຼາດ, ຍູ້ແຮງການປ່ຽນໃໝ່ລັດວິສາຫະກິດ…
ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ: ທ່າອ່ຽງພັດທະນາເສດຖະກິດໃນປະຈຸບັນແມ່ນຖືວິສາຫະກິດເປັນກຳລັງໜູນເພື່ອພັດທະນາ ແລະ ເຄົາລົບກົດໝາຍ. ດັ່ງນັ້ນ, ສະພາເພື່ອການພັດທະນາ ຫວຽດນາມ ແບບຍືນຍົງ ຄວນເພີ່ມທະວີການໜູນຊ່ວຍເພື່ອໃຫ້ 100% ຈຳນວນວິສາຫະກິດຢູ່ ຫວຽດນາມ ເຄື່ອນໄຫວບົນຈິດໃຈພັດທະນາແບບຍືນຍົງ.