ສ້າງໜັງສືຢັ້ງຢືນມາດຕະຖານລວມໃຫ້ກຸ້ງ ອາຊຽນ
(ພາບປະກອບ)
(vovworld) - ວັນທີ 26/2, ຢູ່ນະຄອນ ເກິ່ນເທີ, ສະຫະສະມາຄົມຜະລິດປຸງແຕ່ງ ແລະ ສົ່ງອອກສິນໃນນຳ້ຫວຽດນາມ (VASEP) ສົມທົບກັບສະພາອາຊີບ ປາຫວຽດນາມ ແລະ ໂຄງການ “ສ້າງກຳໄລສູງສຸດໃຫ້ຂະແໜງກະສິກຳຜ່ານປະສົບການ, ພັດທະນາວິສາຫະກິດ ແລະ ການຄ້າ“ ຂອງອົງການພັດທະນາສາກົນອາເມລິກາ (ASEAN.US. MARKET) ຈັດຕັ້ງກອງປະຊຸມສຳມະນາກ່ຽວກັບການສ້າງໜັງສືຢັ້ງຢືນມາດຕະຖານລວມໃຫ້ກຸ້ງ ອາຊຽນ. ທີ່ກອງປະຊຸມສຳມະນາ, ທ່ານ ຫງວຽນຫື້ວຢຸງ, ຮອງປະທານ VASEP, ຖືວ່າ: ເຖິງວ່າຕະຫຼາດແມ່ນຂອງຜູ້ຊື້, ແຕ່ບັນດາປະເທດອາຊຽນໄດ້ເຫັນດີຍົກອອກ ມາດຕະຖານລວມໃຫ້ກຸ້ງ ອາຊຽນ. VASEP ພະຍາຍາມພ້ອມກັບບັນດາອົງການຄຸ້ມຄອງລັດ ແລະ ບັນດາປະເທດອາຊຽນປະຕິບັດມາດຕະຖານລວມໃຫ້ແກ່ກຸ້ງ ດ້ວຍບັນດາເງື່ອນໄຂສະເພາະຂອງບັນດາປະເທດອາຊຽນ ແລະ ຕອບສະໜອງບັນດາຄວາມຮຽກຮ້ອງທົ່ວໄປຂອງມາດຕະຖານສາກົນ. ຄາດວ່າຮອດປີ 2015, ປະຊາຄົມບັນດາປະເທດອາຊຽນຈະໄດ້ຮັບການສ້າງຕັ້ງ ແລະ ທຳການເຄື່ອນໄຫວ. ແລະ ບັນດາມາດຕະຖານລວມໃຫ້ກຸ້ງອາຊຽນ ຈະໄດ້ຮັບການປະຕິບັດກ່ອນທີ່ສ້າງເປັນປະຊາຄົມອາຊຽນ.