ພົນໂທ ໂດບາຕີ້ ແລະ ພົນຈັດຕະວາ Ravinder Singh
ພາບ:baomoi.com
(vovworld)- ຕອນບ່າຍວັນທີ 21/5, ພົນໂທ ໂດບາຕີ້, ຫົວຫນ້າກົມໃຫຍ່ເສນາທິການກອງທັບປະຊາຊົນຫວຽດນາມໄດ້ໃຫ້ການຕ້ອນຮັບ ພົນຈັດຕະວາ Ravinder Singh ຜູ້ບັນຊາການທະຫານບົກ ສິງກະໂປ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ພົນໂທ ໂດບາຕີ້ ຖືວ່າ: ພ້ອມກັບການພັດທະນາລວມຂອງສາຍພົວພັນລະຫວ່າງຫວຽດນາມ ແລະ ສິງກະໂປໃນທຸກຂົງເຂດ, ການຮ່ວມມືປ້ອງກັນຊາດສອງຝ່າຍມີບາດກ້າວພັດທະນາໃຫມ່, ສະແດງໃຫ້ເຫັນຜ່ານການຢ້ຽມຢາມເຊິ່ງກັນ ແລະ ກັນຄັ້ງຕ່າງໆຂອງການນຳກະຊວງປ້ອງກັນປະເທດສອງປະເທດ ແລະ ເລື່ອງກອງທັບສອງປະເທດສ້າງກົນໄກສົນທະນາຍຸດທະສາດປ້ອງກັນຊາດຂັ້ນຮອງລັດຖະມົນຕີກະຊວງປ້ອງກັນປະເທດ. ພົນຈັດຕະວາ Ravinder Singh ສະແດງຄວາມປາດຖະຫນາຢາກສືບຕໍ່ເພີ່ມທະວີການຮ່ວມມືລະຫວ່າງສອງກອງທັບເວົ້າລວມ ແລະ ກຳລັງທະຫານບົກສອງປະເທດເວົ້າສະເພາະ.