ຫວຽດນາມ ນຳໜ້າຄວາມມານະພະຍາຍາມຂອງບັນດາປະເທດ ອາຊຽນ ໃນການຮັບມືກັບໂລກລະບາດໂຄວິດ - 19
(VOVWORLD) - ຕາມເວັບໄຊ moderndiplomacy.eu ວັນທີ27 ທັນວາ ໄດ້ໃຫ້ຂໍ້ສັງເກດວ່າ ດ້ວຍຖານະເປັນປະທານ ອາຊຽນ ປີ 2020, ຫວຽດນາມ ໄດ້ນຳໜ້າຄວາມານະພະຍາຍາມຂອງບັນດາປະເທດ ອາຊຽນ ໃນການຮັບມືກັບໂລກລະບາດໂຄວິດ - 19.
ການສີດຢາຂ້າເຊື້ອ (ພາບ: TTXVN) |
ຕາມເວັບໄຊດັ່ງກ່າວແລ້ວ, ພາຍຫຼັງທີ່ໂລກລະບາດແຜ່ລະບາດໃນເດືອນມັງກອນ ປີ 2020, ນັບແຕ່ກາງເດືອນ ກຸມພາ ປີ 2020, ຫຼັງຈາກປຶກສາຫາລືກັບການນຳ ບັນດາປະເທດ ອາຊຽນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ອອກຖະແຫຼງການປະທານ ອາຊຽນ ກ່ຽວກັບການຮັບມືລວມກັບ ໂລກລະບາດໂຄວິດ - 19 ຂອງ ອາຊຽນ. ຖະແຫຼງການດັ່ງກ່າວ ໄດ້ເນັ້ນໜັກເຖິງການເພີ່ມທະວີການໜູນຊ່ວຍບັນດາປະເທດໃນໂລກ ໃນບັ້ນຕ້ານການແຜ່ລະບາດຂອງ ເຊື້ອພະຍາດໂຄວິດ-19, ພ້ອມທັງໜູນຊ່ວຍມະນຸດສະທຳໃຫ້ແກ່ ຈີນ ດ້ວຍຮູບການສະໜອງຜ້າອັດປາກ ແລະ ພາຫະນະການແພດຕ່າງໆ. ອາຊຽນ ບໍ່ພຽງແຕ່ ຍົກສູງຄວາມຮັບຮູ້ຂອງບັນດາປະເທດສະມາຊິກ ເທົ່ານັ້ນ, ຫາກຍັງຮ່ວມສຳພັນກັບບັນດາອົງການຈັດຕັ້ງສາກົນ ແລະ ປະເທດຕ່າງໆ ເພື່ອຮັບມືໃນຫຼາຍລະດັບ ແນໃສ່ແກ້ໄຂບັນດາບັນຫາເຊິ່ງໂລກລະບາດໄດ້ກໍ່ຂຶ້ນ.