ງານຕະຫຼາດນັດເຄື່ອງສິລະປະຫັດຖະກຳສາກົນຄັ້ງທີ 77
(ພາບ: vietnamplus.vn)
(vovworld) – ງານຕະຫຼາດນັດເຄື່ອງສິລະປະຫັດຖະກຳສາກົນຄັ້ງທີ 77 ຖືກໄຂຂຶ້ນຢ່າງເປັນທາງການໃນວັນທີ 20/04, ຢູ່ນະຄອນ Florence, ເຂດ Tuscani, ປະເທດອີຕາລີ. ຫວຽດນາມ ໄດ້ເຂົ້າຮ່ວມງານຕະຫຼາດນັດດ້ວຍ 18 ຮ້ານວາງສະແດງສິນຄ້າ ທີ່ວາງສະແດງບັນດາຜະລິດຕະພັນສິລະປະຫັດຖະກຳ, ເຄື່ອງຕຳແຜ່ນຕັດຫຍິບ ແລະ ບັນດາຜະລິດຕະພັນສິນໃນນ້ຳ. ທ່ານນາງຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນທິເຟືອງງາ ແລະ ເຈົ້າຄອງນະຄອນ Florence, Matteo Renz, ໄດ້ຕັດແຖບຜ້າໄຂງານຕະຫຼາດນັດ. ຕາມທ່ານນາງ ຫງວຽນທິເຟືອງງາ ແລ້ວ, ເລື່ອງຫວຽດນາມ ເຂົ້າຮ່ວມງານຕະຫຼາດນັດຄັ້ງນີ້ ແມ່ນເພື່ອແນໃສ່ປະກອບສ່ວນໂຄສະນາພາບພົດ, ວັດທະນະທຳ, ປະເທດຊາດ ແລະ ຊາວຫວຽດນາມ ແລະ ພິເສດແມ່ນເພີ່ມທະວີການພົວພັນມິດຕະພາບລະຫວ່າງຫວຽດນາມ ແລະ ອີຕາລີ ເວົ້າລວມ ກໍຄືລະຫວ່າງຫວຽດນາມ ແລະ ເຂດ Tuscani ເວົ້າສະເພາະ ໃນສະພາບທີ່ການພົວພັນລະຫວ່າງ 2 ປະເທດໄດ້ຮັບການຍົກລະດັບຂຶ້ນສູ່ການຮ່ວມມືຍຸດທະສາດ ພາຍຫຼັງການຢ້ຽມຢາມທາງລັດຖະກິດເຖິງອີຕາລີຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸກຈ້ອງ ເມື່ອເດືອນ 1 ຜ່ານມາ.