(ພາບ:dbv.vn)
(vovworld)- ຕອນເຊົ້າວັນທີ 5/7, ຢູ່ຮ່າໂນ້ຍ, ໄດ້ດຳເນີນພິທີເປີດເຄືອຂ່າຍຂໍ້ມູນຂ່າວສານລະຫວ່າງທະວີບອາຊີ-ເອີລົບ ໄລຍະທີ 4 (TEIN 4 Vietnam). ໂຄງການສ້າງເຄືອຂ່າຍຂໍ້ມູນຂ່າວສານລະຫວ່າງທະວີບອາຊີ-ເອີລົບ (TEIN) ແມ່ນຂໍ້ລິເລີ່ມເພື່ອແນໃສ່ສ້າງເຄືອຂ່າຍຂໍ້ມູນຂ່າວສານລະຫວ່າງທະວີບອາຊີ-ເອີລົບ ແລະ ໄດ້ຜ່ານ 4 ໄລຍະແລ້ວ ເພື່ອແນໃສ່ພັດທະນາພື້ນຖານໂຄງລ່າງເຄືອຂ່າຍຂໍ້ມູນຂ່າວສານລະດັບຄວາມໄວສູງ, ຮັບໃຊ້ໃຫ້ແກ່ການຮ່ວມມື ແລະ ຄົ້ນຄ້ວາ ວິທະຍາສາດລະຫວ່າງບັນດາປະເທດອາຊີ-ເອີລົບ. ປີ 2006, ຫວຽດນາມ ເຊື່ອມຈອດເຂົ້າເຄືອຂ່າຍ TEIN ໄລຍະທີ 2 ແລະ ສ້າງຕັ້ງເຄືອຂ່າຍ Vinaren ຢ່າງເປັນທາງການເພື່ອຮັບໃຊ້ໃຫ້ແກ່ຂົງເຂດຄົ້ນຄ້ວາວິທະຍາສາດ ແລະ ບຳລຸງສ້າງຂອງຫວຽດນາມ. ປີ 2012, ຫວຽດນາມ ໄດ້ຜັນຂະຫຍາຍບັນດາການເຄື່ອນໄຫວອັນຈຳເປັນເພື່ອເຂົ້າຮ່ວມ TEIN ໄລຍະທີ 4 ຢ່າງເປັນທາງການ. ກ່າວຄຳເຫັນທີ່ພິທີ, ທ່ານເຈິ່ນຫວຽດແທງ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີຫວຽດນາມ ຊີ້ແຈງວ່າ:
“ພະທີເປີດ TEIN 4 ຫວຽດນາມ ເປັນຂີດໝາຍແຫ່ງບາດກ້າວເດີນຂອງຫວຽດນາມ ໃນຂົງເຂດພັດທະນາວິທະຍາສາດເຕັກໂນໂລຊີ. ຂ້າພະເຈົ້າສະເໜີໃຫ້ສະມາຊິກເຄືອຂ່າຍ Vinaren ແລະ ປະຊາຄົມຄົ້ນຄ້ວາວິທະຍາສາດ ແລະ ເຕັກໂນໂລຊີ ຕ້ອງເປັນເຈົ້າການກ່ວາອີກໃນການຜັນຂະຫຍາຍການໝູນໃຊ້ເຄືອຂ່າຍ, ເພີ່ມທະວີການຂຸດຄົ້ນຄວາມສາມາດເຄືອຂ່າຍຄົ້ນຄວ້າ ແລະ ບຳລຸງສ້າງຫວຽດນາມ ຫຼາຍກ່ວາ, ຍົກສູງປະສິດທິຜົນການເຄື່ອນໄຫວຂອງເຄືອຂ່າຍ. ຄຽງຂ້າງນັ້ນ, ຄົ້ນຄ້ວາສະເໜີບັນດານະໂຍບາຍເໝາະສົມເພື່ອເສີມຂະຫຍາຍປະສິດທິຜົນຂອງເຄືອຂ່າຍVinaren ໃນໄລຍະ 2014-2020”.