(vovworld) – ຕອນເຊົ້າວັນທີ 12/12, ທີ່ສຳນັກງານປະທານປະເທດ, ຫ້ອງວ່າການປະທານປະເທດຈັດຕັ້ງການປະຊຸມຂ່າວປະກາດລັດຖະກຳລັດຂອງປະທານປະເທດ ປະກາດກົດໝາຍ 8 ສະບັບທີ່ໄດ້ຮັບຮອງເອົາທີ່ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຫວຽດນາມ ຊຸດທີ 13. ໃນນັ້ນມີ: ກົດໝາຍວ່າດ້ວຍສຳມະໂນຄົວ, ກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການປະຕິບັດຄຳຕັດສິນຂອງສານສຳລັບຄະດີແພ່ງ, ກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍອາກອນຈຳໜ່າຍພິເສດ, ກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍພາສີອາກອນ, ກົດໝາຍວ່າດ້ວຍການລົງທຶນ, ກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍການຄຸ້ມຄອງ, ນຳໃຊ້ທຶນຂອງລັດລົງທຶນເຂົ້າໃນການຜະລິດ, ດຳເນີນທຸລະກິດຢູ່ວິສາຫະກິດ...
ກ່ຽວກັບບາງເນື້ອໃນພື້ນຖານຂອງກົດໝາຍວ່າດ້ວຍສຳມະໂນຄົວ, ທ່ານ ຫງວຽນແຄ໋ງງອກ, ລັດຖະມົນຕີຊ່ວຍວ່າການກະຊວງຍຸຕິທຳ, ໃຫ້ຮູ້ວ່າ:
“ຫຼາຍເນື້ອໃນກຳນົດໃນກົດໝາຍວ່າດ້ວຍສຳມະໂນຄົວມີລັກສະນະແທດຈິງ, ພ້ອມທັງມີບັນດາຂໍ້ກຳນົດໃໝ່ມີລັກສະນະບຸກທະລຸ. ກົດໝາຍໄດ້ເຊີດຊູຄວາມສຳຄັນຂອງເລື່ອງສອອກໃບຢັ້ງຢືນການເກີດ, ຄຽງຄູ່ກັນນັ້ນກໍ່ສະໜອງລະຫັດສ່ວນຕົວ. ໄລຍະຈະມາເຖິງ, ລັດຖະບານຈະກຳນົດລະອຽດກ່ຽວກັບຂັ້ນຕອນ, ລຳດັບ ແລະ ລະບຽບການອອກລະຫັດດັ່ງກ່າວ”