ບັ້ນບຸກໂຈມຕີຂະບວນການ ອິດສະລາມ ຮາມາດ ຢູ່ເຂດ ກາຊາ ໄດ້ກ້າວເຂົ້າສູ່ໄລຍະໃໝ່ (ພາບ: AFP/TTXVN)

    ໃນແຈ້ງການດ້ວຍວີດີໂອເມື່ອວັນທີ 28 ຕຸລາ, ທ່ານລັດຖະມົນຕີກະຊວງປ້ອງກັນປະເທດ ອິດສະຣາແອັນ Yoav Gallant, ໄດ້ແຈ້ງໃຫ້ຊາບວ່າ, ບັ້ນບຸກໂຈມຕີຂະບວນການ ອິດສະລາມ ຮາມາດ ຢູ່ເຂດ ກາຊາ ໄດ້ກ້າວເຂົ້າສູ່ໄລຍະໃໝ່ ພາຍຫຼັງທີ່ກອງທັບ ອິດສະຣາແອັນ ໄດ້ດຳເນີນບັນດາເຫດບຸກໂຈມຕີທາງບົກ ແລະ ໃຕ້ດິນໃນຕອນຄ່ຳວັນທີ 27 ຕຸລາ ຢ່າງຕໍ່ເນື່ອງ. ທ່ານຊີ້ແຈ້ງວ່າ, ບັ້ນບຸກໂຈມຕີຈະສືບຕໍ່ດຳເນີນໄປ ຈົນຮອດເວລາທີ່ມີຄຳສັ່ງໃໝ່.

   ການບຸກໂຈມຕີໃນຕະຫຼອດຄ່ຳຄືນວັນທີ 27 ຕຸລາ ຂອງ ອິດສະຣາແອັນ ເຂົ້າເຂດ ກາຊາ ໄດ້ເຮັດໃຫ້ຕຶກອາຄານນັບຮ້ອຍຫຼັງຖືກທຳລາຍໝົດ, ມີກິດກະກຳເຮືອນຢູ່ນັບໝື່ນຫຼັງຖືກເປເພ.

ເຖິງຢ່າງໃດກໍ່ຕາມ, ວັນທີ 28 ຕຸລາ, ທ່ານ Ali Baraka, ສະມາຊິກຂະບວນການອິດສະລາມ ຮາມາດ ໃຫ້ຮູ້ວ່າ, ກອງທັບ ອິດສະຣາແອັນ ບໍ່ບັນລຸຜົນສຳເລັດໃນຄວາມມານະພະຍາຍາມດຳເນີນບັ້ນບຸກໂຈມຕີທາງບົກຢູ່ເຂດ ກາຊາ ເມື່ອການບຸກໂຈມຕີຂອງ ອິດສະຣາແອັນ ຢູ່ທັງ 3 ທິດ “ລ້ວນແຕ່ຖືກເສຍຫາຍຢ່າງໜັກໜ່ວງ”. ໃນຂະນະນັ້ນ, ອິດສະຣາແອັນ ບໍ່ແຈ້ງຄວາມເສຍຫາຍໃດໆຂອງກອງທັບ.

ໄລ່ແຕ່ວັນທີ 07 ຕຸລາ, ຈຸດເວລາທີ່ ອິດສະຣາແອັນ ເລີ່ມດຳເນີນບັ້ນບຸກໂຈມຕີໃສ່ເຂດ ກາຊາ, ມາຮອດປະຈຸບັນ, ມີກວ່າ 7.703 ຄົນເສຍຊີວິດ, ໃນນັ້ນມີເດັກນ້ອຍກວ່າ 3.500 ຄົນ.