(vovworld) – ວັນທີ 15 – 17/7 ຢູ່ Kuala Lumpur, ມາເລເຊຍ ໄດ້ດຳເນີນກອງປະຊຸມຄັ້ງທີ 15 ກຸ່ມປະຕິບັດງານເຕັກນິກ ແລະ ຄະນະຊີ້ນຳຂັ້ນລັດຖະມົນຕີອະນຸພາກພື້ນ ອາຊຽນ ກ່ຽວກັບມົນລະພິດຄວັນລະຫວ່າງຊາດ. ບັນດາລັດຖະມົນຕີສິ່ງແວດລ້ອມທີ່ມາຈາກ: ບຣຸໄນ, ມາເລເຊຍ, ອິນໂດເນເຊຍ, ສິງກາໂປ ແລະ ໄທ ໄດ້ເຂົ້າຮ່ວມກອງປະຊຸມ, ປຶກສາຫາລື ກ່ຽວກັບບັນດາຄວາມມານະພະຍາຍາມ, ມາດຕະການຮ່ວມມືຍຸທະສາດເພື່ອຮັບມືກັບວິກິດການໂດຍຄວັນຈາກໄຟໄໝປ່າຄືປະຈຸບັນ ຢູ່ Riau, ອິນໂດເນເຊຍ ກໍ່ຂຶ້ນ. ທີ່ກອງປະຊຸມ, ທ່ານລັດຖະມົນຕີສິ່ງແວດລ້ອມ ອິນໂດເນເຊຍ Balthasar Kambuaya, ເຊິ່ງແມ່ນສະມາຊິກຜູ້ດຽວໃນ ອາຊຽນ ບໍ່ທັນໃຫ້ສັດຕະຍາບັນສັນຍາ ອາຊຽນ ກ່ຽວກັບມົນລະພິດໂດຍຄວັນໄຟກໍ່ຂຶ້ນລະຫວ່າງປະເທດໃນທ້າຍປີນີ້ ຫຼື ຕົ້ນປີ 2014. ທ່ານເລຂາທິການໃຫຍ່ ເລເລືອງມິນ ໄດ້ຊົມເຊີຍຈິດໃຈຮ່ວມມືຂອງ ອິນໂດເນເຊຍ, ຖືວ່າ ດ້ວຍຜົນງານນີ້ ອາຊຽນ ຈະບັນລຸຂໍ້ຕົກລົງ. ທ່ານກໍ່ຮຽກຮ້ອງສືບຕໍ່ລະມັດລະວັງບໍ່ໃຫ້ຄວັນໄຟເກີດຂຶ້ນຄືນໃໝ່ ແລະ ຮຽກຮ້ອງໃຫ້ມີບັນດາມາດຕະການປັບປຸງລະບົດຕິດຕາມກວດກາ, ຕັກເຕືອນໃຫ້ບັນດາປະເທດທີ່ກ່ຽວຂ້ອງກຽມພ້ອມບຳລຸງສ້າງ ແລະ ຝຶກຝົນຫຼໍ່ຫຼອມທັກສະໃຫ້ບັນດາເຈົ້າໜ້າທີ່ກໍ່ຄືບັນດາອົງການກ່ຽວຂ້ອງໃນການສະກັດກັ້ນສະພາບຄວັນຈາກໄຟໄໝ.