ການເຈລະຈາໂດຍກົງຜ່ານເຄືອຂ່າຍອິນເຕີແນດ
ການປະກອບຄຳເຫັນໃສ່ຮ່າງ ລັດຖະທຳມະນູນສະບັບປັບປຸງປີ 1992
(ພາບ: chinhphu.vn)
(vovworld) – ວັນທີ 23/1, ຢູ່ຮ່າໂນ້ຍ, ປະຕູຖານເອເລກໂຕນິກຂອງລັດຖະບານ ໄດ້ຈັດການເຈລະຈາໂດຍກົງຜ່ານເຄືອຂ່າຍອິນເຕີແນດ ແນໃສ່ສະໜອງຂໍ້ມູນ ເພື່ອໃຫ້ປະຊາຊົນທຸກຊັ້ນວັນນະເຂົ້າຮ່ວມການປະກອບຄຳເຫັນໃສ່ຮ່າງລັດຖະທຳມະນູນສະບັບປັບປຸງປີ 1992. ຕອບຄຳຖານກ່ຽວກັບບັນດາເນື້ອໃນໃໝ່ໃນຮ່າງລັດຖະທຳມະນູນສະບັບປັບປຸງປີ 1992, ທ່ານຮອງຫົວໜ້າກຳມາທິການເສດຖະກິດສະພາແຫ່ງຊາດ ຫງວຽນວັນຟຸກ ເນັ້ນໜັກວ່າ, ຮ່າງລັດຖະທຳມະນູນສະບັບປັບປຸງຕາມທິດເສີມຂະຫຍາຍສິດເປັນເຈົ້າຂອງປະຊາຊົນ ຕາມຫຼັກການສິດອຳນາດທັງໝົດຂອງລັດ ແມ່ນຂຶ້ນກັບປະຊາຊົນ. ກ່ຽວຂ້ອງເຖິງບັນຫານີ້, ທ່ານຮອງລັດຖະມົນຕີກະຊວງຍຸຕິທຳ ຮ່ວາງເທ໋ລຽນ ໃຫ້ຮູ້ວ່າ: ຮ່າງລັດຖະທຳມະນູນສະບັບປັບປຸງປີ 1992 ຢືນຢັນວ່າ ລັດຫວຽດນາມ ແມ່ນລັດແຫ່ງອຳນາດນິຕິບັນຍັດສັງຄົມນິຍົມ, ຂອງປະຊາຊົນ, ໂດຍປະຊາຊົນ, ເພື່ອປະຊາຊົນ, ສິດອຳນາດຂອງລັດແມ່ນເອກະພາບ, ມີການແບ່ງງານ, ສົມທົບກັນ ແລະ ມີການກວດກາລະຫວ່າງບັນດາອົງການນິຕິບັນຍັດ, ອົງການປະຕິບັດກົດໝາຍ ແລະ ອົງການຍຸຕິທຳ. ຮ່າງລັດຖະທຳມະນູນໄດ້ກຳນົດສິດອຳນາດຂອງແຕ່ລະອົງການໃນກົງຈັກລັດ, ກຳນົດສາຍພົວພັນລະຫວ່າງບັນດາອົງການ, ຍົກສູງສິດປະຊາທິປະໄຕໂດຍກົງຂອງປະຊາຊົນ, ສິດສ້າງສະມາຄົມ ເພື່ອໃຫ້ປະຊາຊົນເຂົ້າຮ່ວມການກວດກາສິດອຳນາດຂອງລັດ; ສືບຕໍ່ຢັ້ງຢືນຫຼັກການມະຫາສາມັກຄີ, ແນວໂຮມປະເທດຊາດມີບົດບາດໜ້າທີ່ຕິດຕາມກວດກາ ໄຈແຍກ ຕີລາຄາບັນຫາສັງຄົມກັບບັນດາອົງການຂອງລັດ.