ຮ່າຢາງ: Festival ແຄນ ເຜົ່າມົ້ງປີ 2023 ຈະດຳເນີນແຕ່ວັນທີ 21 – 23 ເມສາ
(VOVWORLD) - Festival ແຄນ ເຜົ່າມົ້ງ ຮ່າຢາງ ແລະ ງານບຸນອາຫານການກິນ 3 ພາກເໜືອ - ກາງ - ໃຕ້ ປີ 2023 ຈະດຳເນີນແຕ່ວັນທີ 21 – 23 ເມສາ 2023, ພິທີໄຂຈະດຳເນີນໃນຕອນຄ່ຳວັນທີ 22 ເມສາ ຢູ່ສະໜາມຫຼວງ 26 ມີນາ ນະຄອນ ຮ່າຢາງ.
 ພາບປະກອບ |
ເພື່ອແນໃສ່ວາດພາບຄືນການດຳລົງຊີວິດທາງດ້ານວັດທະນະທຳທີ່ເປັນມູນເຊື້ອ ແລະ ເອກະລັກຂອງປະຊາຄົມຊາວເຜົ່າມົ້ງ ເຊິ່ງໄດ້ອະນຸລັກຮັກສາມາແຕ່ນັບຮ້ອຍປີ, Festival ແຄນມົ້ງ ຖືກຈັດຂຶ້ນເພື່ອແນໃສ່ເຊີດຊູບັນດາຄຸນຄ່າວັດທະນະທຳທີ່ເປັນເອກະລັກ, ເຂັ້ມຄົ້ນໄປດ້ວຍຈຸດຄວາມງາມທີ່ເປັນມູນເຊື້ອບັນດາເຜົ່າ; ເປັນບ່ອນພົບປະ, ແລກປ່ຽນຈຸດຄວາມງາມທາງດ້ານວັດທະນະທຳພື້ນເມືອງທີ່ເປັນເອກະລັກສະເພາະ ແລະ ແນະນຳບັນດາຜະລິດຕະພັນວັດທະນະທຳທາງດ້ານອາຫານການກິນຂອງແຂວງ ຮ່າຢາງ ກໍຄືບັນດາເຂດພາກໃນທົ່ວປະເທດ. ເຫດການດັ່ງກ່າວ ກໍເພື່ອແນໃສ່ຟື້ນຟູ ແລະ ພັດທະນາບັນດາຮີດຄອງປະເພນີອັນດີງາມຂອງປະຊາຊົນເຜົ່າມົ້ງ, ເຊິ່ງໄດ້ດຶງດູດແຂກມາຢ້ຽມຢາມ, ທັດສະນະສຶກສາເປັນຈຳນວນຫຼວງຫຼາຍ ແລະ ໄດ້ຮັບການຕີລາຄາສູງ.