(vovworld) - ຕອນບ່າຍວັນທີ 13/11, ຢູ່ຮ່າໂນ້ຍ, ພົນໂທ Tran Dai Quang, ກຳມະການກົມການເມືອງ, ລັດຖະມົນຕີກະຊວງຕຳຫຼວດຫວຽດນາມ ໄດ້ໃຫ້ການຕ້ອນຮັບພົນໂທ Beliacov Alecxandro Nicolaievich, ຮອງຜູ້ອຳນວຍການທີ່ໜຶ່ງ ແລະ ບັນດາສະມາຊິກໃນຄະນະຜູ້ແທນຂັ້ນສູງອົງການພິທັກຮັກສາສະຫະພັນລັດເຊຍ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ຫວຽດນາມ. ນະທີ່ນີ້, ພົນໂທ Tran Dai Quang ຕີລາຄາສູງ ແລະ ຂອບອົກຂອບໃຈຄະນະຊີ້ນຳອົງການພິທັກຮັກສາສະຫະພັນລັດເຊຍ ທີ່ໄດ້ຮ່ວມມືກັບກະຊວງຕຳຫຼວດຫວຽດນາມ ໃນການແລກປ່ຽນຄະນະຜູ້ແທນ, ແລກປ່ຽນບົດຮຽນໃນການປ້ອງກັນປະມຸກລັດ ກໍຄືບຳລຸງສ້າງ, ຝຶກອົບຮົມກຳລັງພິທັກຮັກສາໃນໄລຍະຜ່ານມາ. ໃນໄລຍະຈະມາເຖິງ, ສອງອົງການຈະສືບຕໍ່ຍູ້ແຮງການພົວພັນຮ່ວມມືບຳລຸງສ້າງ, ຝຶກອົບຮົມກຳລັງພິທັກຮັກສາຢູ່ແຕ່ລະປະເທດ.