(vovworld) - ໂດຍຮັບຄຳເຊີນຂອງທ່ານລັດຖະມົນຕີປ້ອງກັນຊາດແອດສປາຍ Pedro Arguelles Aslaverria, ທ່ານພົນໂທ ຫງວຽນຈິ໋ວິ້ງ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ນຳໜ້າຄະນະຜູ້ແທນປ້ອງກັນຊາດ ຫວຽດນາມ ໄປຢ້ຽມຢາມ ແລະ ເຮັດວຽກຢູ່ລາຊະອານາຈັກແອດສປາຍ ໃນລະຫວ່າງວັນທີ 02 – 04/12.
ທີ່ການເຈລະຈາໃນວັນທີ 03/12 ກັບທ່ານລັດຖະມົນຕີກະຊວງປ້ອງກັນປະເທດແອດສປາຍ Pedro Arguelles Aslaverria, ພົນໂທ ຫງວຽນຈິ໋ວິ້ງ ຢືນຢັນວ່າ, ຍາມໃດຫວຽດນາມ ກໍ່ຖືເປັນສຳຄັນການພົວພັນກັບແອດສປາຍ ແລະ ປາດຖະໜາຢາກຮ່ວມມືກັບແອດສປາຍ, ໃນນັ້ນມີການພົວພັນດ້ານປ້ອງກັນປະເທດ ເພື່ອໃຫ້ແທດເໝາະກັບການພົວພັນຄູ່ຮ່ວມມືຍຸດທະສາດ. ພົນໂທ ຫງວຽນຈິ໋ວິ້ງ ສະເໜີວ່າ ໃນໄລຍະຈະມາເຖິງ, 2 ຝ່າຍຄວນຕັ້ງໜ້າຜັນຂະຫຍາຍການຮ່ວມມືດ້ານປ້ອງກັນປະເທດ ບົນພື້ນຖານເນື້ອໃນຂອງບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນປະເທດ 2 ຝ່າຍ ເຊິ່ງໄດ້ຮັບການລົງນາມເມື່ອປີ 2010, ໃນນັ້ນສຸມໃສ່ເຂົ້າໃນບັນດາຂົງເຂດຄື, ແລກປ່ຽນຄະນະຜູ້ແທນທຸກຂັ້ນ, ຮ່ວມມືລະຫວ່າງບັນດາອົງການຄົ້ນຄວ້າຍຸດທະສາດ, ແລກປ່ຽນກ່ຽວກັບຂົງເຂດບຳລຸງສ້າງ, ແລກປ່ຽນບົດຮຽນໃນການເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ...