ການນຳ ຝລັ່ງ ແລະ ເຢຍລະມັນ

ຜ່ານການປະກາດໃຊ້ບາງມາດຕານິຕິກຳຢ່າງແຮງກ່ວາໃນການຈຳໜ່າຍພັນທະບັດຫວ່າງແລ້ວນີ້, ຝລັ່ງ ແລະ ເຢຍລະມັນ ຢາກສ້າງໂຄງປະກອບໜີ້ສິນຢູ່ພາກພື້ນສະກຸນເງິນເອີລົບ (Eurozone) ຢ່າງງ່າຍດາຍກ່ວາ. ດ້ວຍຫຼັກໝັ້ນລວມເພີ່ມທະວີການເຊື່ອມໂຍງໃນ Eurozone, ຝລັ່ງ ແລະ ເຢຍລະມັນ ໄດ້ເຫັນດີເປັນເອກະພາບຕໍ່ບາງມາດຕາ, ໂດຍສະຫະພາບ ເອີລົບ (ອີຢູ) ເອີ້ນວ່າ “ວິວັດທະນາການ”, ຕາມນັ້ນແລ້ວຮຽກຮ້ອງໃຫ້ປັບປຸງຂອບເຂດໃນປະຈຸບັນ ເພື່ອແນໃສ່ຊຸກຍູ້ລັກສະນະຍືນຍົງຂອງໜີ້ສາທາລະນະຜ່ານການເພີ່ມທະວີ “ການປະພຶດທີ່ຄ້າຍຄືກັນ” ໃນພັນທະບັດ. ບັນດາຂໍ້ມາດຕານີ້ຈະສ້າງຄວາມສະດວກກ່ວາເພື່ອໃຫ້ລັດຖະບານຄວນຄຸມນັກລົງທຶນບາງຄົນທີ່ເຄີຍຄັດຄ້ານບັນດາຂໍ້ມາດຕາກ່ຽວກັບໂຄງປະກອບຂອງໜີ້ສິນ. ແບງແລງ ແລະ ປາຣີ ກໍ່ເຮັດແຈ້ງໃນຂໍ້ຕົກລົງຂອງເຂົາເຈົ້າທີ່ວ່າ ຖ້າຫາກປະເທດໜຶ່ງສະເໜີການຊ່ວຍເຫຼືອຈາກກົນໄກສະຖຽນລະພາບເອີລົບ (ESM) - ກອງທຶນໜູນຊ່ວຍຂອງ Eurozone - ກອງທຶນນີ້ຈະຕ້ອງຕີລາຄາວ່າ ໜີ້ສິນຂອງປະເທດນີ້ຍັງເປັນປົກກະຕິບໍ່ ຫຼື ຕ້ອງໄດ້ຮັບການສ້າງໂຄງປະກອບຄືນໃໝ່?