ເຫດບຸກໂຈມຕີຢູ່ Dagestan: ຈຳນວນຜູ້ຮັບບາດເຈັບແລະເສຍຊີວິດເພີ່ມຂຶ້ນ
(VOVWORLD) - ທ້າຍວັນທີ 24 ມິຖຸນາ, ມີ 20 ຄົນເສຍຊີວິດ ແລະ ອີກ 46 ຄົນຮັບບາດເຈັບໃນບັນດາການບຸກໂຈມຕີຢູ່ ສອງນະຄອນ Makhachkala ແລະ Derbent ກ່ອນນັ້ນຫນຶ່ງວັນ. ໃນຈຳນວນຜູ້ຖືກເສຍຊີວິດ ມີພະນັກງາປະຕິບັດກົດໝາຍ ແລະ ສາມັນຊົນ.
 ບ່ອນເກີດເຫດບຸກໂຈມຕີຢູ່ Dagestan, ລັດ ເຊຍ ໃນວັນທີ 23 ມິຖຸນາ 2024 (ພາບ: ປະຊາຊົນ ຢູ່ບ່ອນເກີດເຫດ) |
ວັນທີ 24 ມິຖຸນາ, ທ່ານນາງ Tatyana Belyaeva ຜູ້ນຳຫນ້າອົງການສາທາລະນະສຸກ ສ. Dagestan ຂອງລັດເຊຍ ໃຫ້ຮູ້ວ່າ: ທ້າຍວັນທີ 24 ມິຖຸນາ, ມີ 20 ຄົນເສຍຊີວິດ ແລະ ອີກ 46 ຄົນຮັບບາດເຈັບໃນບັນດາການບຸກໂຈມຕີຢູ່ ສອງນະຄອນ Makhachkala ແລະ Derbent ກ່ອນນັ້ນຫນຶ່ງວັນ. ໃນຈຳນວນຜູ້ຖືກເສຍຊີວິດ ມີພະນັກງາປະຕິບັດກົດໝາຍ ແລະ ສາມັນຊົນ.
ໃນຂະນະນັ້ນ ອົງການສື່ມວນຊົນຂອງ ຄະນະກຳມະການສືບສວນ ລັດເຊຍ ໃຫ້ຮູ້ວ່າ: ຮັບຮູ້ໄດ້ 5 ເປົ້າໝາຍທີ່ຖືກຍິງຕາຍ. ພວກຄົນເຫຼົ່ານີ້ໄດ້ທຳການບຸກໂຈມຕີຫໍທຳມະຂອງຊາວ ຢິວ 2 ແຫ່ງ, ໂບດໃຫຍ່ 2 ແຫ່ງ ກໍ່ຄືປ້ອມຕຳຫລວດຈະລາຈອນ ຢູ່ Derbent ແລະ Makhachkala ໃນວັນທີ 23 ມິຖຸນາ, ອົງການດັ່ງກ່າວຍັງໃຫ້ຮູ້ຕື່ມອີກວ່າ ຄະດີອາຍາກ່ຽວກັບການບຸກໂຈມຕີຢູ່ Dagestan ພວມຖືກສືບສວນສອບສວນຕາມມາດຕາ 3 ຂອງກົດໝາຍວ່າດ້ວຍອາຍາຂອງລັດເຊຍ.
ໃນວັນດຽວກັນ, ສ. Dagestan ຖະແຫລງ ຈະສະຫລະເວລາ 3 ມື້ເພື່ອໄວ້ອາໄລບັນດາຜູ້ປະສົບເຄາະຮ້າຍຈາກເຫດບຸກໂຈມຕີ. ອຳນາດການປົກຄອງ ສ. Dagestan ຈະປະຕິບັດບັນດາມາດຕະການຈຳເປັນເພື່ອຫນູນຊ່ວຍຄອບຄົວມີຜູ້ເສຍຊີວິດ ແລະ ຮັບບາດເຕັບໃນເຫດບຸກໂຈມຕີ.
ທູຮ່າ ນັກຂ່າວ VOV ປະຈຳລັດເຊຍ