(vovworld) - ເວທີປາໄສຊາວໜຸ່ມອາຊີຢູ່ດ່ານັ້ງ ຄັ້ງທີ 14 ດ້ວຍຫົວຂໍ້ວ່າ “ພັດທະນາຖັນແຖວການນຳສະຕະວັດທີ 21” ຖືກໄຂຂຶ້ນຢ່າງເປັນທາງການໃນຕ້ອນບ່າຍວັນທີ 03/08, ຢູ່ມະຫາວິທະຍາໄລພາສາຕ່າງປະເທດດ່ານັ້ງ, ດ້ວຍວາລະປຶກສາຫາລືກ່ຽວກັບໜ້າທີ່ຮັບຜິດຊອບຂອງຄົນໜຸ່ມສຳລັບປະຊາຄົມ. ເວທີປາໄສໂດຍອົງການ BOLT (ຍີ່ປຸ່ນ) ແລະ ມະຫາວິທະຍາໄລພາສາຕ່າງປະເທດດ່ານັ້ງ ສົມທົບກັນຈັດຕັ້ງ, ດ້ວຍຜູ້ແທນເຊິ່ງແມ່ນຊາວໜຸ່ມດີເດັ່ນຢູ່ບັນດາປະເທດອາຊີ 100 ຄົນ ພ້ອມກັບຊາວໜຸ່ມ, ນັກສຶກສາຫວຽດນາມ. ເວທີປາໄສແມ່ນເພື່ອແນໃສ່ຮັດແໜ້ນການພົວພັນລະຫວ່າງບັນດາຜູ້ແທນຊາວໜຸ່ມທີ່ມາຈາກບັນດາປະເທດອາຊີ ແລະ ນັກສຶກສາຫວຽດນາມ ຢູ່ດ່ານັ້ງ ແລະ ເທື່ອທຽນເຫ້ວ; ຍົກສູງຄວາມຮັບຮູ້ຂອງຊາວໜຸ່ມກ່ຽວກັບການຮັບໃຊ້ປະຊາຄົມ; ສ້າງເງື່ອນໄຂເພື່ອໃຫ້ບັນດາຜູ້ແທນຊາວໜຸ່ມປະຕິບັດແນວຄວາມຄິດ ແລະ ສ້າງແຜນການກະທຳເພື່ອຮັບໃຊ້ປະຊາຄົມໃນອະນາຄົດ… ແຕ່ນີ້ຮອດວັນທີ 07/08, ບັນດາຜູ້ແທນຈະເຂົ້າຮ່ວມການຮ່ຳຮຽນ, ປຶກສາຫາລືກຸ່ມຢູ່ເຫ້ວ ແລະ ດ່ານັ້ງ ກ່ຽວກັບບັນດາຫົວຂໍ້: ຄວາມຮັບຜິດຊອບຕໍ່ສັງຄົມ, ຂອບເຂດ ແລະ ປະຕິບັດໃນສັງຄົມ; ສະເໜີກ່ຽວກັບວັດທະນຳບັນດາປະເທດ; ພົບປະແລກປ່ຽນວັດທະນະທຳ…