ໃນຊຸມວັນລະດູໜາວທ້າຍເດືອນ12 ປີ 1972, ກອງທັບ ແລະ ປະຊາຊົນຮ່າໂນ້ຍ ໄດ້ຕີເອົາຊະນະເຮືອບິນ B52 ຂອງອາເມລິກາ ຢ່າງອົ່ງອາດກ້າຫານ, ສ້າງເປັນໄຊຊະນະດ້ຽນບຽນຝູທາງອາກາດທີ່ດັ່ງກ້ອງກັງວານໄປທົ່ວ. ເຖິງວ່າ 4 ທົດສະວັດໄດ້ລ່ວງເລີຍໄປແລ້ວກໍ່ຕາມແຕ່ເຫດການປະຫວັດສາດ 12 ວັນ ແລະ ຄືນປີນັ້ນພັດບໍ່ຖືກຫຼົງລືມເທື່ອ. ການເສຍສະຫຼະຢ່າງກ້າຄົງອົງອາດຂອງບັນດານັກຮົບກອງທັບປ້ອງກັນອາກາດ, ຂອງທະຫານ ແລະ ປະຊາຊົນຮ່າໂນ້ຍ ໃນຊຸມວັນທີ່ດຸເດືອດດັ່ງກ່າວ ຍັງຄົງຝັງເລິກໃນໃຈຂອງປະຊາຊົນທຸກຄົນໃນປະຈຸບັນ.
(ພາບ:ອິນເຕີແນັດ)
ກ່ອນນີ້ 40 ປີ, ອາເມລິກາ ໄດ້ນຳໃຊ້ເຮືອບິນ B52 ເພື່ອຖີ້ມລະເບີດແລະ ບຸດໂຈມຕີທຳລາຍຮ່າໂນ້ຍ ດ້ວຍຫຼາຍວິທີແນໃສ່ດັບສູນເຈດຈຳນົງຂອງກອງທັບ ແລະ ປະຊາຊົນຫວຽດນາມ, ເພື່ບັງຄັບຫວຽດນາມ ຕ້ອງຍອມຮັບບັນດາເງື່ອນໄຂໂດຍອາເມລິກາ ວາງອອຢູ່ໃນການເຈລະຈາປາຣີ ກ່ຽວກັບຫວຽດນາມ. ສຳລັບປະຊາຊົນຫວຽດນາມ ແລ້ວ, ນີ້ແມ່ນການຕໍ່ສູ້ເພື່ອເອກະລາດແຫ່ງຊາດ, ເພື່ອກຽດສັກສີຂອງປະເທດຊາດ ແລະ ນະຄອນຫຼວງຮ່າໂນ້ຍ ໄດ້ຕາງໜ້າໃຫ້ທົ່ວປະເທດ, ທຳການຕໍ່ສູ້ຄັ້ງປະຫວັດສາດນັ້ນ, ທ່ານ ໂດ໋ຮຽນ ຊາວຮ່າໂນ້ຍ ຜູ້ໜຶ່ງຫວນຄືນວ່າ:
“ການຕໍ່ສູ້ແມ່ນການທົດສອບຢ່າງຂ້ຽວຂາດລະຫວ່າງກອງທັບປ້ອງກັນອາກາດ ກັບເຮືອບິນອາເມລິກາ. ຂ້າພະເຈົ້າໄດ້ເຫັນປະຈັກຕາການຕໍ່ສູ້ທີ່ອົງອາດກ້າຫານທີ່ສຸດຂອງເຫຼົ່າທັບປ້ອງກັນອາກາດ. ເຮືອບບິນອາເມິກາ ໄດ້ບຸກໂຈມຕີທັງກາງເວັນ ແລະ ກາງຄືນ, ໃນເວລານັ້ນ, ປືນໃຫ່ຍປ້ອງກັນອາກາດໄດ້ຍິງໂຕະຕອບຄືນຢ່າງຂ້ຽວຂາດ, ພວກເຮົາໄດ້ປະຕິບັດການຕໍ່ສູ້ອັນສອບທຳຂອງຕົນດ້ວຍທຸກວິທີ”
ໂຮງໝໍແບກມາຍ ຖືກເຮືອບິນ B-52 ທຳລາຍເມື່ອປີ 1972
(ພາບ: suckhoedoisong.vn)
ໃນຕະຫຼອດ 12 ວັນທ້າຍເດືອນ 12/1972, ເຮືອບິນ B-52 ແລະ ເຮືອບິນປະເພດອື່ນໆໄດ້ບຸກເຂົ້າຮ່າໂນ້ຍ, ຖີ້ມລະເບີດໃສ່ບັນດາເຂດໃຈກາງເຂດຊຸມຊົນ ແລະ ບັນດາເຂດຢູ່ອ້ອມແອ້ມ. ທ່ານໂດ໋ຢວານດ້າຍ ອະດີດຜູ້ອຳນວຍການໂຮງໝໍແບກມາຍ ຫວນຄືນວ່າ:
“ການຖີ້ມລະເບີດໃນຮຸ່ງເຊົ້າວັນທີ 22/12 ແມ່ນໂທດກຳທີ່ບໍ່ອາດອະໄພໄດ້, ຕົ້ນໄມ້, ເຮືອນຊານຖືກເປ່ເພ, ເບື້ອງໜຶ່ງຂອງໂຮງໝໍຖືກເຮືອບບິນອາເມລິກາ ທຳລາຍກ້ຽງ. ພວກຂ້າພະເຈົ້າໄດ້ເສຍສະຫຼະຊີວິດທັງໝົດ 28 ຄົນ, ອີກ 20 ຄົນຖືກບາດເຈັບ“
ໃນ 12 ວັນ ແລະ ຄືນທີ່ດຸເດືອດດັ່ງກ່າວ, ກຳລັງປ້ອງກັນອາກາດຮ່າໂນ້ຍ ໄດ້ຍຶດໝັ້ນ, ເປັນເຈົ້າການຕ້ານຄືນການບຸກໂຈມຕີທາງອາກາດຄັ້ງຕ່າງໆຂອງອາເມລິກາ. ພັນເອກຫງວຽນກວາງຮຸ່ງ ອະດີດຮອງເສນາທິການເຫຼົ່າທັບປ້ອງກັນອາກາດຫວນຄືນວ່າ:
“ເມື່ອທຳການຕໍ່ສູ້, ບັນດານັກຮົບປ້ອງກັນອາກາດຫວຽດນາມ ໄດ້ໝູນໃຊ້ອາວຸດປະເພດຕ່າງໆ ແລະ ບົດຮຽນຈາກສະໜາມຮົບກວາງຈິ ຢ່າງມີຫົວຄິດປະດິດສ້າງ, ພວກຂ້າພະເຈົ້າໄດ້ທຳການຕໍ່ສູ້ດ້ວຍຄວາມເຊື່ອໝັ້ນຕໍ່ຕົນເອງ ແລະ ໄດ້ຮັບໄຊຊະນະ“.
40 ປີໄດ້ລ່ວງເລີຍໄປແລ້ວ, ແຕ່ຮ່ອງຮອຍໃນຊຸມວັນຕໍ່ສູ້ເທິງເຂດນ່ານຟ້າຮ່າໂນ້ຍ ຍັງຄົງໄດ້ຮັບການເກັບຮັກສາໄວ້ຢູ່ຫໍພິພິຕະພັນໄຊຊະນະ B-52, ຫໍພິພິຕະພັນປະຫວັດສາດທະຫານຫວຽດນາມ, ຢູ່ບັນດາອະນຸສາວະລີໃນຖະໜົນເຄີມທຽນ, ໂຮງໝໍແບກມາຍ ຫລືໃນຄວາມຊົງຈຳຂອງບັນດາຜູ້ອາຍຸສູງ ແລະ ໄຊຊະນະ “ຮ່າໂນ້ຍ-ດ້ຽນບຽນຝູທາງອາກາດ“ ຍັງຄົງດັງກ້ອງກັງວານໄປທົ່ວ. ນີ້ກໍ່ແມ່ນຄຳຕັກເຕືອນໃຫ້ໄວໜຸ່ມລຸ້ນປະຈຸບັນກ່ຽວກັບໄລຍະເວລາໜຶ່ງທີ່ລຸ້ນພໍ່ລຸ້ນອ້າຍເຄີຍຕໍ່ສູ້ ແລະ ສ້າງເປັນໄຊຊະນະອັນມະຫັດສະຈັນ.