(vovworld) - ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ Le Hoang Quan ໄດ້ໃຫ້ການຕ້ອນຮັບທ່ານລັດຖະມົນຕີເສດຖະກິດ ແລະ ເຕັກໂນໂລຊີ ສາທາລະນະລັດສະຫະພັນເຢຍລະມັນ Philipp Rosler ທີ່ພວມຢ້ຽມຢາມ ແລະ ເຮັດວຽກຢູ່ນະຄອນໂຮ່ຈິມິນ ໃນວັນທີ 19/9 ໄດ້ຢືນຢັນວ່າ, ນະຄອນໂຮ່ຈິມິນ ປາດຖະໜາວ່າບັນດານັກລົງທຶນຂອງເຢຍລະມັນ ຈະເຂົ້າມາຄະຄອນເພື່ອຊອກຮູ້ກາລະໂອກາດຮ່ວມມືລົງທຶນ, ພິເສດແມ່ນໃນບັນດາຂົງເຂດພື້ນຖານໂຄງລ່າງ, ເສດຖະກິດ, ອຸດສາຫະກຳ, ບັນດາຮູບການບໍລິການ… ສ່ວນທ່ານລັດຖະມົນຕີ Philipp Rosler ໄດ້ຖືວ່າ ນະຄອນໂຮ່ຈິມິນ ແມ່ນແຫ່ງທີ່ການເຄື່ອນໄຫວດ້ານເສດຖະກິດແຮງທີ່ສຸດຂອງພາກພື້ນອາຊີຕາເວັນອອກສຽງໃຕ້ ແລະ ຈຸດໝາຍແຫ່ງການຢ້ຽມຢາມຄັ້ງນີ້ຂອງກະຊວງເສດຖະກິດ ແລະ ເຕັກໂນໂລຊີ ສາທາລະນະລັດສະຫະພັນເຢຍລະມັນ ແມ່ນເພີ່ມທະວີການຮ່ວມມືດ້ານເສດຖະກິດ ກັບນະຄອນໂຮ່ຈິມິນ. ເພາະສະນັ້ນ, ໃນຄະນະໄດ້ມີຜູ້ແທນຫຼາຍທ່ານແມ່ນມາຈາກບັນດາວິສາຫະກິດໃຫຍ່ຂອງສາທາລະນະລັດສະຫະພັນເຢຍລະມັນ ເຂົ້າຮ່ວມ.