(vovworld) - ວັນທີ 25/03, ທ່ານປະທານປະເທດຄົນໃໝ່ຂອງຈີນ ສີຈິ້ນຜິງ ໄດ້ໄປຮອດ ສ.ອາຟລິກາໃຕ້ ເລີ່ມຕົ້ນການຢ້ຽມຢາມປະເທດນີ້ຢ່າງເປັນທາງການ ເພື່ອແນໃສ່ຊຸກຍູ້ການພົວພັນຮ່ວມມື 2 ຝ່າຍ ແລະ ເຂົ້າຮ່ວມກອງປະຊຸມສຸດຍອດກຸ່ມບັນດາພື້ນຖານເສດຖະກິດທີ່ຫາກໍພົ້ນເດັ່ນ BRICS. ກ່າວຄຳເຫັນເມື່ອມາຮອດສະໜາມບິນສາກົນ Tambo ຢູ່ Johannesburg, ທ່ານ ສີຈິ້ງຜິງ ໄດ້ເວົ້າວ່າ ຈີນ ແລະ ອາຟລິກາໃຕ້ ລ້ວນແຕ່ແມ່ນປະເທດພວມພັດທະນາ ແລະ ມີຜົນສະທ້ອນອັນໃຫຍ່ຫຼວງເຖິງໂລກ ແລະ ກໍແມ່ນບັນດາພື້ນຖານເສດຖະກິດຫາກໍພົ້ນເດັ່ນທີ່ຂະຫຍັນຂັນເຄື່ອນ. ຕາມທ່ານ ສີຈິ້ນຜິງ ແລ້ວ, ເລື່ອງປັບປຸງ ແລະ ພັດທະນາການພົວພັນລະຫວ່າງຈີນ - ອາຟລິກາໃຕ້ ບໍ່ພຽງແຕ່ນຳມາຊິ່ງຜົນປະໂຫຍດໃຫ້ປະຊາຊົນ 2 ປະເທດເທົ່ານັ້ນ, ຫາກຍັງປະກອບສ່ວນຍົກສູງຄວາມສາມັກຄີ ແລະ ການຮ່ວມມືລະຫວ່າງບັນດາປະເທດພວມພັດທະນານຳກັນອີກດ້ວຍ, ເພື່ອສັນຕິພາບ ແລະ ວັດທະນາຖາວອນຂອງພາກພື້ນ ແລະ ໂລກ. ແລະກໍໃນວັນດຽວກັນ, ທ່ານ ສີຈິ້ນຜິງ ໄດ້ມີການເຈລະຈາກັບທ່ານປະທານາທິບໍດີປະເທດເຈົ້າພາບ Jacob Zuma ຢູ່ Pretoria ກ່ຽວກັບການເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ ເຊິ່ງໄດ້ຮັບການສ້າງຕັ້ງຂຶ້ນເມື່ອປີ 2010.