ພັກNLDຂອງມຽນມາອາດຈະລົງປະຊາມະຕິກ່ຽວກັບລັດຖະທຳມະນູນໃຫມ່
ປະທານາທິບໍດີ ມຽນມາ Htin Kyaw
|
(vovworld)- ພັກສະຫະພັນແຫ່ງຊາດເພື່ອປະຊາທິປະໄຕ (NLD) ກຳອຳນາດຢູ່ ມຽນມາ ໃຫ້ຮູ້ວ່າ: ພັກນີ້ ອາດຈະບໍ່ຊຸກຍູ້ການປັບປຸງລັດຖະທຳມະນູນປະຈຸບັນ ຫາກຈະຜັນຂະຫຍາຍການຮຽບຮຽງລັດຖະທຳມະນູນສະບັບໃຫມ່. ຕາມແຫລ່ງຂ່າວຈາກພາກສ່ວນຮັບຜິດຊອບດ້ານກົດໝາຍຂອງ NLD ແລ້ວ, ບັນດາການນຳພັກນີ້ເຫັນວ່າ ຈະບໍ່ມີຜົນປະໂຫຍດຖ້າຫາກພະຍາຍາມຊອກຫາວິທີປັບປຸງລັດຖະທຳມະນູນປະຈຸບັນ ເພາະວ່າ ກອງທັບຍັງຄົງຮັກສາສິດຢັບຢັ້ງໃນສະພາແຫ່ງຊາດ. ສະນັ້ນ NLD ອາດຈະຈັດຕັ້ງການລົງປະຊາມະຕິກ່ຽວກັບແຜນການຮຽບຮຽງລັດຖະທຳມະນູນສະບັບໃຫມ່. ຫວ່າງແລ້ວນີ້, ປະທານາທິບໍດີ Htin Kyaw ແລະ ຜູ້ທີ່ປຶກສາແຫ່ງຊາດ Aung San Suu Kyi ລ້ວນແຕ່ເນັ້ນຫນັກວ່າ ການປະຕິຮູບລັດຖະທຳມະນູນແມ່ນການບຸລິມະສິດຕົ້ນຕໍຂອງພັກກຳອຳນາດ NLD.