(ທ່ານນາງຮອງປະທານປະເທດ ຫງວຽນທິຢວານ
ເຮັດວຽກກັບບັນດາກະຊວງ, ຂະແໜງການ ກ່ຽວກັບວຽກງານແຂ່ງຂັນ, ຍ້ອງຍໍ)
(vovworld) - ວຽກງານແຂ່ງຂັນໄດ້ປະກອບສ່ວນຕັ້ງໜ້າໃຫ້ແກ່ການພັດທະນາຂອງປະເທດຊາດ, ເຊິ່ງທ່ານນາງຮອງປະທານປະເທດ ຫງວຽນທິຢວານ, ຮອງປະທານຜູ້ທີ່ໜຶ່ງສະພາແຂ່ງຂັນ, ຍ້ອງຍໍສູນກາງໄດ້ຢືນຢັນສິ່ງດັ່ງກ່າວທີ່ການເຮັດວຽກກັບບັນດາກະຊວງ, ຂະແໜງການ ກ່ຽວກັບວຽກງານແຂ່ງຂັນ, ຍ້ອງຍໍ ໃນຕອນເຊົ້າວັນທີ 25 ກັນຍາ, ຢູ່ຮ່າໂນ້ຍ. ທ່ານນາງຮອງປະທານປະເທດ ຖືວ່າ ໃນໄລຍະຜ່ານມາ, ວຽກງານແຂ່ງຂັນ, ຍ້ອງຍໍບັນລຸໄດ້ຜົນງານຫຼາຍຢ່າງ, ສ້າງເປັນຂະບວນການ ເພື່ອປະກອບສ່ວນປຸກລະດົມ, ລະດົມກຳລັງໃຈໃຫ້ແກ່ບັນດາຫົວໜ່ວຍ, ໝູ່ຄະນະ, ບຸກຄົນ ໃນການເຄື່ອນໄຫວເສດຖະກິດສັງຄົມຢ່າງແຮງ. ແຕ່ວ່າ, ວຽກງານແຂ່ງຂັນ, ຍ້ອງຍໍຢູ່ບາງແຂວງຍັງມີລັກສະນະເປັນຮູບແບບ, ຄຸນນະພາບບໍ່ສູງ... ທ່ານນາງຮອງປະທານປະເທດ ຫງວຽນທິຢວານ ສະເໜີຕ້ອງຍົກສູງບົດບາດຂອງຜູ້ນຳໜ້າໃນວຽກງານແຂ່ງຂັນ, ຍ້ອງຍໍ. ໃນໄລຍະຈະມາເຖິງ, ຄວນສືບຕໍ່ປັບປຸງໃຫ້ສຳເລັດ ແລະ ຍົກລະດັບອົງການຈັດຕັ້ງ, ກົງຈັກແຂ່ງຂັນ, ຍ້ອງຍໍ; ເພີ່ມທະວີວຽກງານໂຄສະນາບັນດາແບບຢ່າງດີເດັ່ນ ເພື່ອສ້າງຂະບວນການໃຫ້ເລີກເຊິ່ງ, ກວ້າງຂວາງ ແລະ ມີກຳລັງແຜ່ຂະຫຍາຍຢ່າງແຮງ.