ສ້າງລະບົບຕຸລາການທີ່ກົມກຽວລະຫວ່າງບັນດາປະເທດອາຊຽນ
ທ່ານປະທານສານປະຊາຊົນສູງສຸດ ເຈືອງຮ່ວາບິ່ງ
(ພາບ: congly)
(vovworld) – “ເຊື່ອມໂຍງອາຊຽນ ແລະ ຄວາມກົມກຽວດ້ານຕຸລາການ ຊ່ວຍໃຫ້ລະບົບຕຸລາການບັນດາປະເທດສະມາຊິກ ຮັກສາວິວັດການເຊື່ອມຕໍ່ເປັນປະຈຳ, ແກ້ໄຂບັນດາການປະທະກັນຖືກເກີດຂຶ້ນ, ປະກອບສ່ວນສ້າງອາຊຽນ ເອກະພາບໃນຫຼາຍຮູບຫຼາຍແບບ”. ນີ້ແມ່ນຄຳເຫັນຂອງປະທານສານປະຊາຊົນສູງສຸດ ເຈືອງຮ່ວາບິ່ງ ທີ່ການໂອ້ລົມສົນທະນາດ້ວຍຫົວຂໍ້ວ່າ “ເຊື່ອມໂຍງອາຊຽນ ແລະ ຄວາມກົມກຽວດ້ານຕຸລາການ ໃນບັນດາປະເທດສະມາຊິກອາຊຽນ”, ໂດຍສານປະຊາຊົນສູງສຸດຈັດຕັ້ງໃນຕອນເຊົ້າວັນທີ 17/03, ຢູ່ຮ່າໂນ້ຍ. ທ່ານປະທານສານປະຊາຊົນສູງສຸດ ເຈືອງຮ່ວາບິ່ງ ເນັ້ນໜັກວ່າ ໃນສະພາບປະຊາຄົມເສດຖະກິດອາຊຽນ ໄດ້ຮັບການສ້າງຕັ້ງ, ບັນດາການຂັດແຍ້ງກ່ຽວກັບພົນລະເຮືອນ, ການດຳເນີນທຸລະກິດດ້ານການຄ້າຂ້າມຊາຍແດນຈະນັບມື້ນັບເພີ່ມຂຶ້ນ ແລະ ສັບສົນກວ່າ, ເກີດບັນດາການໜູນຊ່ວຍດ້ານຕຸລາການລະຫວ່າງປະເທດຕ່າງໆ…. ສະນັ້ນ, ບັນດາປະເທດອາຊຽນ ຕ້ອງຮ່ວມມືກັນບົນຈິດໃຈໜູນຊ່ວຍເຊິ່ງກັນ ແລະ ກັນ, ສາມັກຄີກັນ, ມີບັນດາບາດກ້າວເດີນທີ່ເໝາະສົມ.
“ຄວາມກົມກຽວດ້ານຕຸລາການໃນບັນດາປະເທດອາຊີຕາເວັນອອກສ່ຽງໃຕ້ ແມ່ມວິວັດການເຊິ່ງທົ່ວລະບົບຕຸລາການຂອງບັນດາປະເທດສະມາຊິກອາດຈະຫຍັບມໍ່ໃກ້ກັນກວ່າ, ຫຼຸດຜ່ອນບັນດາການປະທະກັນດ້ານກົດໝາຍໃນຂົງເຂດພົນລະເຮືອນ, ການດຳເນີນຄະດີແພ່ງ. ເລື່ອງປະຕິບັດການເຊື່ອມໂຍງອາຊຽນ ແລະ ຄວາມກົມກຽວດ້ານຕຸລາການໄດ້ຊ່ວຍລະບົບຕຸລາການຂອງບັນດາປະເທດສະມາຊິກຮັກສາວິວັດການເຊື່ອມຕໍ່ເປັນປະຈຳກວ່າ, ແກ້ໄຂບັນດາການປະທະກັນຖືກເກີດຂຶ້ນ, ປະກອບສ່ວນສ້າງອາຊຽນ ເອກະພາບໃນຫຼາຍຮູບຫຼາຍແບບ”.