(vovworld) - ວັນທີ 17/02, ທ່ານຮອງນາຍົກລັດຖະມົນຕີ ຫງວຽນຊວນຟຸກ ແລະ ທ່ານ ເລຂາຄະນະພັກນະຄອນໂຮ່ຈິມິນ ເລແທງຫາຍ ໄດ້ເປັນປະທານກອງປະຊຸມຮັບຮອງເອົາແຜນຮ່າງທົດລອງອຳນາດການປົກຄອງຕົວເມືອງນະຄອນໂຮ່ຈິມິນ. ນີ້ແມ່ນກອງປະຊຸມເປັນທາງການຄັ້ງສຸດທ້າຍຂອງນະຄອນ ເພື່ອປະກອບຄຳເຫັນໃສ່ແຜນຮ່າງ. ແຜນຮ່າງທົດລອງອຳນາດການປົກຄອງຕົວເມືອງນະຄອນໂຮ່ຈິມິນ ລວມ 6 ພາກ, ໃນນັ້ນມີບັນດາພາກສຳຄັນແມ່ນ ປ່ຽນໃໝ່ບາງເນື້ອໃນຈັດແບ່ງຂັ້ນຄຸ້ມຄອງບໍລິຫານລັດ ລະຫວ່າງອຳນາດການປົກຄອງທຸກຂັ້ນ; ກຳນົດອົງການຈັດຕັ້ງພັກ, ແນວໂຮມປະເທດຊາດ ແລະ ອົງການຈັດຕັ້ງການເມືອງ - ສັງຄົມໃນອຳນາດການປົກຄອງຕົວເມືອງ, ກະກຽມແຫຼ່ງຊັບພະຍາກອນມະນຸດໃຫ້ແຜນຮ່າງ, ຈັດຕັ້ງການປະຕິບັດ ແລະ ຂໍ້ສະເໜີ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາວ້າ: ນະຄອນໂຮ່ຈິມິນ ແມ່ນເຂດຕົວເມືອງພິເສດ, ແມ່ນສູນເສດຖະກິດ, ວັດທະນະທຳ, ສັງຄົມຂອງເຂດ ແລະ ທົ່ວປະເທດ, ສະນັ້ນ ຕ້ອງມີກົນໄກສະເພາະ ສ້າງເງື່ອນໄຂສະດວກໃຫ້ນະຄອນເສີມຂະຫຍາຍຄວາມສາມາດບົມຊ້ອນ ແລະ ແຫຼ່ງກຳລັງ. ທັງໝົດແຜນຮ່າງທົດລອງອຳນາດການປົກຄອງຕົວເມືອງແມ່ນແຜນຮ່າງທີ່ສັບສົນ ແລະ ໃໝ່ອ່ຽມ, ທາງນະຄອນໄດ້ກະກຽມຢ່າງລອບຄອບທີ່ຖ້ວນ ແລະ ມີໜ້າທີ່ຮັບຜິດຊອບ. ຄາດວ່າ, ວັນທີ 13/03 ຈະມາເຖິງ, ກົມການເມືອງ ຈະຮັບຟັງລັດຖະບານສະເໜີກ່ຽວກັບແຜນຮ່າງກ່ອນທີ່ຍື່ນລາຍງານຕໍ່ສະພາແຫ່ງຊາດ.