(vovworld) - ວັນທີ 29/3, ກຳມາທິການຮຽບຮຽງລັດຖະທຳມະນູນປີ 1992 ສະບັບປັບປຸງໄດ້ຈັດຕັ້ງກອງປະຊຸມ ເພື່ອຮັບເອົາຄຳເຫັນຂອງອະດີດການນຳພັກ, ລັດ ກ່ຽວກັບການປັບປຸງລັດຖະທຳມະນູນ ປີ 1992. ກ່າວຄຳເຫັນໄຂກອງປະຊຸມ, ທ່ານປະທານສະພາແຫ່ງຊາດຫວຽດນາມ Nguyen Sinh Hung, ປະທານກຳມາທິການຮຽບຮຽງລັດຖະທຳມະນູນປີ 1992 ສະບັບປັບປຸງ, ເນັ້ນໜັກວ່າເລື່ອງປັບປຸງລັດຖະທຳມະນູນ ປີ 1992 ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການເໝາະສົມກັບການຜັນແປຂອງສະພາບການໃໝ່ ແລະ ແຜນນະໂຍບາຍໃຫຍ່ຂອງພັກ. ທີ່ກອງປະຊຸມ, ອະດີດການນຳພັກ, ລັດ ໄດ້ປະກອບຄຳເຫັນກ່ຽວກັບບົດລາຍງານສະຫຼຸບການປະຕິບັດລັດຖະທຳມະນູນປີ 1992, ບົດລາຍງານບາງເນື້ອໃນພື້ນຖານເຊິ່ງຄາດວ່າຈະປັບປຸງ, ເພີມເຕີມລັດຖະທຳມະນູນປີ 1992 ... ໃນນັ້ນ, ສຸມໃສ່ຕີລາຄາສະພາບການປະຕິບັດລັດຖະທຳມະນູນປີ 1992, ບັນດາໝາກຜົນທີ່ບັນລຸໄດ້, ບັນດາສິ່ງຈຳກັດ ແລະ ເຫດຜົນ, ກຳນົດທິດປັບປຸງລັດຖະທຳມະນູນປີ 1992.