(vovworld) - ຕອນເຊົ້າວັນທີ 25/11, ຢ່າງໜ້ອຍສຸດກໍມີ 5 ຄົນເສຍຊີວິດ ແລະ 83 ຄົນຖືກບາດເຈັບ ໃນເຫດວາງລະເບີດແນໃສ່ກຸ່ມຄົນເຊື່ອຖືສາສະໜາອິດສະລາມນິກາຍ Shi’ite ທີ່ພວມເດີນຂະບວນເນື່ອງໃນໂອກາດງານບຸນ Murraham, ເດືອນທຳອິດໃນປີ ຕາມປະຕິທິນສາສະໜາອິດສະລາມ ເລີ່ມແຕ່ວັນທີ 16/11, ຢູ່ນະຄອນ Dera Ismail Khan, ແຂວງ Khyber Pakhtunkhwa, ທາງທິດຕາເວັນຕົກສຽງເໜືອ ປາກິດສຖານ. ໂຄສົກຂອງກຳລັງ ຕາລີບານ ຢູ່ອາບການິດສຖານ, Ehsanullah Ehsan ຍ້ອມຮັບວ່າໄດ້ດຳເນີນເຫດວາງລະເບີດດັ່ງກ່າວ, ພ້ອມທັງນາບຂູ່ວ່າ ຈະດຳເນີນການວາງລະເບີດຫຼາຍຄັ້ງຕື່ມອີກ. ຜູ້ນີ້ກໍເວົ້າຄືນຄຳນາບຂູ່ແຕ່ວັນທີ 24/11 ວ່າ, ກຳລັງ ຕາລີບານ ໄດ້ຈັດສົ່ງຜູ້ວາງລະເບີດສະຫຼະຊີບຫຼາຍຄົນໃນທົ່ວປະເທດ ເພື່ອກະກຽມໃຫ້ແກ່ບັນດາການບຸກໂຈມຕີເຂົ້າປະຊາຄົມຊາວເຜົ່າສ່ວນໜ້ອຍ. ນັ້ບແຕ່ຕົ້ນງານບຸນ Murraham, ມາຮອດປະຈຸບັນຢ່າງໜ້ອຍສຸດໄດ້ເກີດເຫດບຸກໂຈມຕີ 6 ຄັ້ງແນໃສ່ຊາວ Shi’ite ໃນທົ່ວປະເທດ, ເຊິ່ງເຮັດໃຫ້ 43 ຄົນເສຍຊີວິດ.