(vovworld) - ພິທີມອບລາງວັນ “100 ເຄື່ອງໝາຍການຄ້າຫວຽດນາມ ໝັ້ງຄົງປີ 2012” ໄດ້ຖືກຈັດຂຶ້ນໃນວັນທີ 12/8 ຢູ່ຮ່າໂນ້ຍ. ລາງວັນດັ່ງກ່າວໂດຍສະຫະສະມາຄົມບັນດາສະມາຄົມວິທະຍາສາດເຕັກນິກຫວຽດນາມ ຈັດຕັ້ງ ເພື່ອແນໃສ່ຮັບຮູ້, ເຊີດຊູບັນດານັກ ທຸລະກິດ, ວິສາຫະກິດທີ່ດີເດັ່ນ, ມີການປະກອບສ່ວນເຂົ້າໃນການສ້າງເຄື່ອງໝາຍການຄ້າຫຼາຍຢ່າງ. ໃນໄລຍະທີ່ຜ່ານມາ, ເພື່ອແນໃສ່ປະຕິບັດແຜນນະໂຍບາຍ ແນວທາງພັດທະນາເສດຖະກິດ - ສັງຄົມ ແລະ ວິທະຍາສາດ, ເຕັກໂນໂລຊີຂອງພັກ ແລະ ລັດ, ບັນດາວິສາຫະກິດ, ນັກທຸລະກິດ ໄດ້ເອົາໃຈໃສ່ຊອກຫາບັນດາມາດຕະການຄຸ້ມຄອງ, ຄົ້ນຄວ້າ, ນຳໃຊ້ຜົນງານດ້ານວິທະຍາສາດເຕັກໂນໂລຊີທີ່ກ້າວໜ້າ ເພື່ອຍົກສູງຄຸນນະພາບຂອງຜະລິດຕະພັນ, ຕອບສະໜອງຄວາມຕ້ອງການຂອງຕະຫຼາດ, ສ້າງບັນດາເຄື່ອງໝາຍການຄ້າທີ່ມີຊື່ສຽງ, ປະກອບສ່ວນສຳຄັນ ແລະ ພັດທະນາເສດຖະກິດໃຫ້ແກ່ປະເທດຊາດ. ລາຍການເລືອກເຟັ້ນເຄື່ອງໝາຍການຄ້າໂດຍສະຫະສະມາຄົມບັນດາສະມາຄົມວິທະຍາສາດເຕັກນິກຫວຽດນາມ ປຸກລະດົມໃນຂອບເຂດບັນດາວິສາຫະກິດສະມາຊິກເຄືອຂາຍເຄື່ອງໝາຍການຄ້າຫວຽດນາມ ແລະ ບັນດາວິສາຫະກິດໂດຍຄະນະກຳມະການປະຊາຊົນບັນດາແຂວງ, ນະຄອນສະເໜີ, ເຊິ່ງຖືກຈັດຂຶ້ນ 3 ປີເທື່ອໜຶ່ງ.