ກອງປະຊຸມສຳມະນາ“ປະຊາຄົມອາຊຽນແລະໂຄງການດຳເນີນງານຂອງຫວຽດນາມ”
ຜູ້ແທນເຂົ້າຮ່ວມກອງປະຊຸມສຳມະນາ
ພາບ:dangcongsan.vn
|
(vovworld)- ວັນທີ 11/12, ກະຊວງການຕ່າງຫວຽດນາມ ຈັດຕັ້ງ ກອງປະຊຸມສຳມະນາ “ປະຊາຄົມ ອາຊຽນ ແລະ ໂຄງການດຳເນີນງານຂອງຫວຽດນາມ”. ເຂົ້າຮ່ວມກອງປະຊຸມສຳມະນາ ມີຜູ້ແທນກວ່າ 150 ຄົນຕາງຫນ້າໃຫ້ບັນດາກະຊວງ, ຂະແຫນງການ, ວິສາຫະກິດ, ອົງການການເມືອງສັງຄົມໃນທົ່ວປະເທດພ້ອມດ້ວຍຜູ້ຊ່ຽວຊານ ແລະ ນັກວິທະຍາສາດຄົ້ນຄ້ວາກ່ຽວກັບປະຊາຄົມ ອາຊຽນ ແລະ ການເຂົ້າຮ່ວມຂອງຫວຽດນາມ ໃນອາຊຽນ.
ກ່າວຄຳເຫັນໄຂກອງປະຊຸມສຳມະນາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ເນັ້ນຫນັກເຖິງບັນດາກາລະໂອກາດ ແລະ ສິ່ງທ້າທາຍຂອງຫວຽດນາມ ໃນປະຊາຄົມ ອາຊຽນ. ກ່ຽວກັບວິວັດການຜັນຂະຫຍາຍສ້າງປະຊາຄົມ ອາຊຽນ ຢູ່ ຫວຽດນາມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ຊີ້ ແຈ້ງວ່າ: ເມື່ອ ອາຊຽນ ເລີ່ມຕົ້ນການຜັນຂະຫຍາຍວິວັດການສ້າງປະຊາຄົມອາຊຽນ, ຫວຽດນາມ ໄດ້ສ້າງ ແຜນຮ່າງກ່ຽວກັບທິດທາງ ແລະ ມາດຕະການ ຫວຽດນາມ ເຂົ້າຮ່ວມການຮ່ວມມື ອາຊຽນຮອດປີ 2015 ແລະ ໂຄງການດຳເນີນງານຂອງລັດຖະບານເພື່ອຜັນຂະຫຍາຍ. ທ່ານຮອງນາຍົກລັດຖະມົນຕີ ຟ້າມບີງມີງ ຊີ້ແຈ້ງວ່າ: ນີ້ແມ່ນຈຸດເວລາສ້າງບັນດາໂຄງການລະອຽດເພື່ອຍົກສູງຄວາມຮັບຮູ້ຂອງບັນດາກະຊວງ, ຂະແຫນງການ, ທ້ອງຖິ່ນ ແລະ ທົ່ວປວງຊົນ ກ່ຽວກັບປະຊາຄົມ ອາຊຽນ.