(vovworld) - ວັນທີ 10/7, ກຸ່ມບໍລິສັດການເງິນ HSBC ໄດ້ປະກາດບົດລາຍງານເຊື່ອມຕໍ່ພົວພັນດ້ານການຄ້າທົ່ວໂລກ, ພ້ອມທັງໃຫ້ຂໍ້ສັງເກດວ່າ: ໃນ 15 ປີຈະມາເຖິງ, ຍອດມູນຄ່າດ້ານການຄ້າຂອງຫວຽດນາມ ມີຄວາມສາມາດເພີ່ມຂຶ້ນເກືອບ 187% ໃຫ້ທັງໄລຍະແຕ່ນີ້ຮອດປີ 2026, ເພີ່ມຂຶ້ນທົບເກືອບ 2 ເທົ່າເມື່ອທຽບໃສ່ການຄ້າທົ່ວໂລກ. ແລະກໍຕາມ HSBC ແລ້ວ, ໂດຍອີງໃສ່ດັດຊະນີຄວາມໄວ້ເນື້ອເຊື່ອໃຈດ້ານການຄ້າຂອງກຸ່ມບໍລິສັດນີ້, ຄວາມໄວ້ເນື້ອເຊື່ອໃຈຂອງບັນດາວິສາຫະກິດພົວພັນດ້ານການຄ້າສາກົນຢູ່ຫວຽດນາມ ຍັງຢູ່ໃນລະດັບເປັນປົກກະຕິ ແລະ ສູງພໍສົມຄວນ. ການສຳຫຼວດໄດ້ສະແດງໃຫ້ເຫັນວ່າ: ໃນໄລຍະສັ້ນ, ການພົວພັນການຄ້າພາຍໃນພາກພື້ນສືບຕໍ່ຮັກສາບົດບາດສຳຄັນທີ່ມີຕໍ່ບັນດາວິສາຫະກິດຫວຽດນາມ ໃນໄລຍະປະຈຸບັນ ແລະ ໃນຕະຫຼອດ 6 ເດືອນຈະມາເຖິງ. ບັນດາຄູ່ຮ່ວມມືສົ່ງອອກລາຍໃຫຍ່ຂອງຫວຽດນາມ ແມ່ນບັນດາປະເທດການຄ້າຕົ້ນຕໍໃນໂລກເປັນຕົ້ນ, ເຊິ່ງລວມມີ: ອາເມລິກາ, ຍີ່ປຸ່ນ, ຈີນ ແລະ ເຢຍລະມັນ.