(vovworld) - ວັນທີ 11/2, ການຊ້ອມຮົບປະຈຳປີດ້ວຍຂອບຂະໜາດໃຫຍ່ທີ່ມີຊື່ວ່າ “ງູຈົງອາງຄຳ ປີ 2013” ໄດ້ເລີ່ມດຳເນີນຢູ່ນະຄອນ ຊຽງໄໝ່, ພາກເໜືອຂອງໄທ. ເຂົ້າຮ່ວມການຊ້ອມຮົບມີທະຫານ ອາເມລິກາ, ຍີ່ປຸ່ນ, ສ ເກົາຫຼີ, ອິນໂດເນເຊຍ, ມາເລເຊຍ, ສິງກາໂປ ແລະ ປະເທດເຈົ້າພາບໄທ 13.000 ຄົນ. ໃນສູນທອນພົດໄຂການຊ້ອມຮົບ, ພົນເຮືອເອກ Samuel Locklear, ຜູ້ບັນຊາກອງບັນຊາການທະຫານມະຫາສະໝຸດປາເຊຟີກ ຂອງ ອາເມລິກາ ໃຫ້ຮູ້ວ່າ: ການຊ້ອມຮົບ “ງູຈົງອາງຄຳ ປີ 2013” ສະແດງຄຳໝັ້ນສັນຍາຂອງບັນດາປະເທດເຂົ້າຮ່ວມເພື່ອຮັກສາສັນຕິພາບ ແລະ ສະຖຽນລະພາບຢູ່ພາກພື້ນ ອາຊີ - ປາເຊຟີກ. ບັນດາລາຍການຊ້ອມຮົບລວມມີການຝຶກອົບຮົມສູ້ຮົບ ແລະ ຮັບມືກັບໄພພິບັດ, ໃນນັ້ນ ເປັນໜ້າສົນໃຈແມ່ນການຊ້ອມຮົບຍົກພົນຂຶ້ນບົກ, ສູ້ຮົບໃນປ່າຕິບ, ອົບປະຍົບປະຊາຊົນ ແລະ ຮັບມືກັບການບຸກໂຈມຕີດ້ວຍອາວຸດເຄມີ, ຊີວະສາບ ແລະ ອາວຸດນິວເຄຼຍ.