ຄຳສັ່ງຂອງທ່ານນາຍົກລັດຖະມົນຕີກ່ຽວກັບການຮັບປະກັນຄວາມສະຫງົບປອດໄພ,ຄວາມເປັນລະບຽບຮຽບຮ້ອຍ
ທ່ານນາຍົກລັດຖະມົນຕີ ຫງວຽນເຕີນຢູ້ງ ເປັນປະທານກອງປະຊຸມ ປຶກສາຫາລືກ່ຽວກັບການເພີ່ມທະວີວຽກງານຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ
(ພາບ: baochinhphu)
|
(vovworld) - ວັນທີ 17/5/2014, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເປັນປະທານກອງປະຊຸມ ປຶກສາຫາລືກ່ຽວກັບການເພີ່ມທະວີວຽກງານຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ. ທ່ານນາຍົກລັດຖະມົນຕີ ຮຽກຮ້ອງການນຳບັນດາກະຊວງ, ຂະແໜງການ ແລະ ບັນດາແຂວງ, ນະຄອນສືບຕໍ່ຜັນຂະຫຍາຍປະຕິບັດບັນດາມາດຕະການ, ເດັດດຽວບໍ່ປະໃຫ້ເກີດການແຫ່ຂະບວນປະທ້ວງຢ່າງຜິດກົດໝາຍ ແລະ ລົງໂທດບັນດາບຸກຄົນທີ່ມີການກະທຳໂຄສະນາຍຸຍົງສົ່ງເສີມ, ໂຄສະນາຂົນຂວາຍປະຊາຊົນບໍ່ເຂົ້າຮ່ວມການແຫ່ຂະບວນປະທ້ວງຜິດກົດໝາຍ, ຊ່ວຍເຫຼືອກັນພັດທະນາການຜະລິດດຳເນີນທຸລະກິດ, ຍົກສູງຊີວິດການເປັນຢູ່, ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ປະກອບສ່ວນຢ່າງແທດຈິງເຂົ້າໃນການປົກປັກຮັກສາອະທິປະໄຕຂອງປະເທດຊາດ. ລັດຖະບານ ຫວຽດນາມ ແລະ ອຳນາດການປົກຄອງບັນດາທ້ອງຖີ່ນຢືດໝັ້ນປະຕິບັດທຸກໆມາດຕະການຈຳເປັນຖືກຕາມກົດໝາຍ ແລະ ບັນດາຄຳໝັ້ນສັນຍາສາກົນຂອງ ຫວຽດນາມ ເພື່ອຮັບປະກັນຄວາມສະຫງົບ ແລະ ຄວາມປອດໄພໃຫ້ບັນດາອົງການ, ວິສາຫະກິດ ແລະ ຊາວຕ່າງປະເທດຢູ່ ຫວຽດນາມ ຢ່າງສູງສຸດ.