(vovworld) - ຕອນເຊົ້າວັນທີ 2/12, ຢູ່ແຂວງ ດັກລັກ ໄດ້ໄຂງານວາງສະແດງຮູບຖ່າຍເອກະສານກ່ຽວກັບ “ຄວາມສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນສອງປະເທດຫວຽດນາມ - ລາວ”. ງານວາງສະແດງໄດ້ແນະນຳຮູບຖ່າຍເອກະສານເກືອບ 200 ແຜ່ນ, ສຸມໃສ່ 3 ຫົວຂໍ້ຕົ້ນຕໍ່ຄື; ບ້ານໄກ້ເຮືອນຄຽງມິດຕະພາບ - ຄວາມສາມັກຄີແບບພິເສດ - ຮ່ວມສຳພັນທະມິດສູ້ຮົບຢ່າງແໜ້ນແຟ້ນ; ການຮ່ວມມືຮອບດ້ານ ລະຫວ່າງຫວຽດນາມ - ລາວ; ຫວຽດນາມ - ລາວ ສາມັກຄີພ້ອມກັນມຸ່ງໄປສູ່ອະນາຄົດ. ນີ້ແມ່ນໂອກາດເພື່ອໂຄສະນາໃຫ້ປະຊາຊົນບັນດາເຜົ່າໃນແຂວງ, ໂດຍສະເພາະແມ່ນລຸນໜຸ່ມກ່ຽວກັບຄວາມໝາຍຂອງສາຍພົວພັນສັດຊື່ບໍລິສຸດ, ການຮ່ວມມືຢ່າງຮອບດ້ານລະຫວ່າງຫວຽດນາມ - ລາວ. ຄຽງຄ້າງນັ້ນ, ງານວາງສະແດງຍັງປຸກລຸກຄວາມເອກອ້າງຖະນົງໃຈ, ສືບຕໍ່ເສີມຂະຫຍາຍມູນເຊື້ອທີ່ສະຫງ່າລາສີຂອງ 2 ພັກ, 2 ລັດ ແລະ 2 ປະເທດ, ນຳສາຍພົວພັນສາມັກຄີມິດຕະພາບແບບພິເສດ, ການຮ່ວມມືຮອບດ້ານລະຫວ່າງສອງປະເທດໃຫ້ຂຶ້ນສູ່ລະດັບສູງໃໝ່ ໃນໄລຍະປະຕິວັດໃໝ່.