(vovworld) - ຕອນບ່າຍວັນທີ 19/11, ປະທານາທິບໍດີອາເມລິກາ Barack Obama ໄດ້ສິ້ນສຸດການຢ້ຽມຢາມ ແລະ ເຮັດວຽກຢູ່ມ້ຽນມາ, ນີ້ແມ່ນການຢ້ຽມຢາມເຊິ່ງດຳເນີນໄປໃນສະຖານະການທີການພົວພັນສອງຝ່າຍລະຫວ່າງ ອາເມລິກາ - ມ້ຽນມາ ພວມຄ່ອຍໆດີຂຶ້ນ ພາຍຫຼັງອາເມລິກາ ໂຍະຍານການຂວ້ຳບາດເພື່ອຕອບສະໜອງວິວັດການປະຕິຮູບຢູ່ປະເທດອາຊີຕາເວັນອອກສຽງໃຕ້ນີ້.
ທີ່ການພົບປະ, ທ່ານປະທານາທິບໍດີ Obama ແລະ ທ່ານປະທານນາທິບໍດີປະເທດເຈົ້າພາບ U Thein Sein ໄດ້ແລກປ່ຽນກ່ຽວກັບບັນດາບັນຫາການພົວພັນສອງຝ່າຍ ກໍຄືວິວັດການປະຕິຮູບຢູ່ມ້ຽນມາ. ທ່ານປະທານາທິບໍດີມ້ຽນມາ ຢືນຢັນວ່າ ມ້ຽນມາ ພ້ອມແລ້ວທີ່ຈະໃຫ້ການຮ່ວມມືກັບອາເມລິກາ ໂດຍອິ່ງໃສ່ຄວາມເຄົາລົບ, ເຫັນໃຈ ແລະ ເຂົ້າໃຈເຊິ່ງກັນ ແລະ ກັນ. ທ່ານປະທານາທິບໍດີ Obama ໄດ້ຮັບຮູ້ບັນດາມາດຕະການປະຕິຮູບຂອງອຳນາດການປົກຄອງມ້ຽນມາ, ຕີລາຄາສູງບັນດາຄຳໝັ້ນສັນຍາຂອງມ້ຽນມາ ໃນເລື່ອງແກ້ໄຂບາງບັນຫາ, ໃນນັ້ນມີເລື່ອງບໍ່ແຜ່ຂະຫຍາຍອາວຸດນິວເຄຼຍ.