ລັດເຊຍພ້ອມແລ້ວທີ່ຈະເຈລະຈາ ກັບຝ່າຍຕ່າງໆຢູ່ຊີຣີ
(ພາບປະກອບ:xembaomoi.com)
(vovworld) - ກະຊວງການຕ່າງປະເທດລັດເຊຍ ໃຫ້ຮູ້ວ່າ: ມົດສະກູ ພ້ອມແລ້ວທີ່ຈະເຈລະຈາກັບຝ່າຍຕ່າງໆຢູ້ຊີຣີ ແລະ ບໍ່ສະໜັບສະໜູນບໍ່ວ່າຝ່າຍໃດໃນການປະທະກັນທີ່ໄດ້ແກ່ຍາວເປັນເວລາ 21 ເດືອນຢູ່ປະເທດຕາເວັນອອກກກາງນີ້. ວັນທີ 27/12, ໂຄສົກກະຊວງການຕ່າງປະເທດລັດເຊຍ ໃຫ້ຮູ້ວ່າ ລັດເຊຍ ອາດຈະຕິດຕໍ່ພົວພັນກັບພັນທະມິດແຫ່ງຊາດຝ່າຍຄ້ານຢູ່ຊີຣີ. ລັດເຊຍ ບໍ່ປະຕິເສດການເຈລະຈາດັ່ງກ່າວ ແລະ ພວມເຂົ້າຮ່ວມຢ່າງຕັ້ງໜ້າທີ່ສຸດກັບທຸກໆຝ່າຍ. ໂຄສົກກະຊວງການຕ່າງປະເທດລັດເຊຍ ກໍ່ຢືນຢັນຄືນໃໝ່ທັດສະນະຂອງລັດເຊຍ ທີ່ວ່າ ການປະທະກັນດ້ວຍກຳລັງປະກອບອາວຸດຢູ່ຊີຣີ ບໍ່ສາມາດແກ້ໄຂດ້ວຍບັນດາມາດຕະການດ້ານການທະຫານໄດ້.
ກ່ຽວຂ້ອງເຖິງຊີຣີ ຍັງມີຂ່າວໃຫ້ຮູ້ວ່າ: ໃນຖະແຫຼງການປະກາດເມື່ອວັນທີ 27/12, ຝ່າຍຄ້ານຢູ່ຊີຣີ ປະກາດບໍ່ຮັບຮູ້ປະທານາທິບໍດີ Bashar al Assad ໃນວິວັດການມອບໂອນດ້ານການເມືອງ. ໂຄສົກຂອງພັນທະມິດແຫ່ງຊາດຝ່າຍຄ້ານຢູ່ຊີຣີ ຊີ້ແຈງວ່າ: ກຳລັງນີ້ພຽງແຕ່ຈະຮັບຮູ້ບັນດາມາດຕະການດ້ານການເມືອງ ຂະນະທີ່ມາດຕະການນັ້ນປັດເຂ່ຍປະທານາທິບໍດີ Bashar al Assad ແລະ ບັນດາສະມາຊິກໃນຄອບຄົວທ່ານ. ເງື່ອນໄຂທຳອິດນັ້ນແມ່ນບຸກຄົນເຫຼົ່ານັ້ນຕ້ອງອອກຈາກຊີຣີ.