ຫວຽດນາມສະເໜີໃຫ້ ໄທສ້າງເງື່ອນໄຂສະດວກ ໃຫ້ແກ່ການເຂົ້າອອກ ເມືອງຂອງພົນລະເມືອງ 2 ປະເທດ
(ພາບປະກອບ: http://dantri.com.vn)
(vovworld)- ຕໍ່ໜ້າຂ່າວທີ່ວ່າ: ເຈົ້າໜ້າທີ່ໄທ ຮຽກຮ້ອງແຂກທ່ອງທ່ຽວຫວຽດນາມ ຕ້ອງສະແດງເງິນສົດເມື່ອເຮັດລະບຽບການເຂົ້າເມືອງ, ຕອນບ່າຍວັນທີ 7/5, ຜູ້ຕາງໜ້າກົມກົງສູນ ກະຊວງການຕ່າງປະເທດຫວຽດນາມ ໄດ້ມອບຈົດໝາຍທາງການໃຫ້ແກ່ສະຖານທູດໄທ ປະຈຳຮ່າໂນ້ຍ ຊື່ງເນັ້ນໜັກວ່າ: ເລື່ອງຝ່າຍໄທ ບໍ່ແຈ້ງຂໍ້ກຳນົດດັ່ງກ່າວໃຫ້ຫວຽດນາມ ກ່ອນ ແລະ ເລື່ອງຫວຽດນາມ ແມ່ນສະມາຊິກດຽວໃນອາຊຽນ ຖືກນຳໃຊ້ຂໍ້ກຳນົດນີ້ແມ່ນບໍ່ເໝາະສົມກັບເນື້ອໃນຈິດໃຈຮ່ວມມືໃນອາຊຽນ ກໍ່ຄືກັບສາຍພົວພັນມິດຕະພາບທີ່ເປັນມູນເຊື້ອລະຫວ່າງລັດຖະບານ ແລະ ປະຊາຊົນສອງປະເທດ. ກົມກົງສູນ ກະຊວງການຕ່າງປະເທດຫວຽດນາມ ຮຽກຮ້ອງໃຫ້ຝ່າຍໄທ ຈົ່ງຢຸດຕິການກະທຳທີ່ຂາດເຈດຕະນາດີສຳລັບພົນລະເມືອງຫວຽດນາມ ແລະ ສະເໜີຕ້ອງສືບຕໍ່ສ້າງເງື່ອນໄຂສະດວກໃຫ້ແກ່ການເຂົ້າອອກເມືອງຂອງພົນລະເມືອງສອງປະເທດ./.