ສາກົນຕີລາຄາສູງເລື່ອງຫວຽດນາມ ຈັດຕັ້ງກອງປະຊຸມກ່ຽວກັບລູກລະເບີດໝາກມິນຫລັງສົງຄາມ
(VOVWORLD) -ນັກຂ່າວສຳນັກຂ່າວສານຫວຽດນາມ ຢູ່ ສປຊ ໄດ້ມີການສຳພາດທ່ານນາງ Ilene Cohn ຜູ້ອຳນວຍການອົງການເຄື່ອນໄຫວແກ້ໄຂລູກລະເບີດໝາກມິນ ແລະ ຫົວຫນ້າຄະນະຜູ້ຕາງຫນ້າ ອຽກລັງ ປະຈຳ ສປຊ, ເອກອັກຄະລັດຖະທູດ Geraldine Byrne Nason ເນື່ອງໃນໂອກາດສິ້ນສຸດເດືອນ ຫວຽດນາມ ຮັບບົດບາດເປັນປະທານ ສະພາຄວາມໝັ້ນຄົງ ສປຊ ໃນເດືອນເມສາປີ 2021.
 ທ່ານບູ່ຍແທງເຊີນ ລັດຖະມົນຕີການຕ່າງປະເທດຫວຽດນາມ ເປັນປະທານກອງປະຊຸມ(ພາບ:TTXVN) |
ຕາມ ທ່ານນາງ Ilene Cohn ແລ້ວ ຫວຽດນາມ ໄດ້ຈັດຕັ້ງກອງປະຊຸມ ກ່ຽວກັບລູກລະເບີດໝາກມິນຫລັງສົງຄາມ ແມ່ນຖືກກັບຈຸດເວລາ. ກອງປະຊຸມນີ້ມີຄວາມໝາຍສຳຄັນ ເພື່ອ ສະພາຄວາມໝັ້ນຄົງ ແມ່ນອົງການຮັບຜິດຊອບການແກ້ໄຂບັນດາບັນຫາ ຍ້ອນຮັບປະກັນສັນຕິພາບ ແລະ ຄວາມໝັ້ນຄົງຂອງໂລກ. ໃນສະພາບ ຄວາມອັນຕະລາຍຈາກລູກລະເມີດໝາກມິນ ຍັງຄົງຕົວ ແລະ ສືບຕໍ່ນາບຂູ່ເຖິງປະຊາຊົນໃນໂລກ. ທ່ານນາງ ຖືວ່າ ຄວນຍົກບັນຫານີ້ມາປຶກສາຫາລືໃນກອງປະຊຸມ.
ສ່ວນທ່ານ ເອກອັກຄະລັດຖະທູດ Geraldine Byrne Nason ເນັ້ນຫນັກວ່າ: ບັນຫາລູກລະເບີດໝາກມິນ ບໍ່ພຽງແຕ່ແມ່ນເລື່ອງລາວຂອງອະດີດຕະການເທົ່ານັ້ນ ຫາກຍັງຄົງຕົວມາຮອດປະຈຸບັນໃນທົ່ວໂລກ. ເພາະສະນັ້ນ ກອງປະຊຸມກ່ຽວກັບລູກລະເບີດໝາກມິນໂດຍ ຫວຽດນາມຍົກອອກມາ ແມ່ນເລັ່ງໃສ່ບັນຫາຊື່ງທົ່ວໂລກພວມປະເຊີນຫນ້າ.