(vovworld) - ວັນທີ 30 ກໍລະກົດ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ເປັນປະທານກອງປະຊຸມປະຈຳເດືອນ ກໍລະກົດ. ຕາມບົດລາຍງານ ແລະ ບັນດາຄຳເຫັນທີ່ກອງປະຊຸມ; ເດືອນ ກໍລະກົດ ແລະ ຄິດໄລ່ລວມ 7 ເດືອນຜ່ານມາ, ສະພາບເສດຖະກິດສັງຄົມ ສືບຕໍ່ມີການຫັນປ່ຽນຢ່າງຕັ້ງນ້າ, ຖືກທິດ, ບັນລຸໄດ້ໝາກຜົນ ຮອບດ້ານພໍສົມຄວນໃນບັນດາຂົງເຂດ ແລະ ຂົງເຂດຕ່າງໆ. ພົ້ນເດັ່ນແມ່ນໄພເງິນເຟີ້ສືບຕໍ່ໄດ້ຮັບການຄວບຄຸມ; ຮັບປະກັນເສດຖະກິດມະຫາພາກເປັນປົກກະຕິ, ອັດຕາດອກເບ້ຍໄດ້ຫຼຸດລົງ... ສະຫຼຸບກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢຸງ ຊີ້ແຈ້ງວ່າ: ຄາດໝາຍຄວບຄຸມໄພເງິນເຟີ້ຂອງທັງປີແມ່ນສາມາດປະຕິບັດໄດ້ ແຕ່ດັດຊະນີການເຕີບໂຕດ້ານເສດຖະກິດ 5,5% ໃນປີ 2013 ນີ້ແມ່ນຍາກທີ່ບັນລຸໄດ້. ເຖິງວ່າຢ່າງນັ້ນກໍຕາມ, ລັດຖະບານຍັງຢືດໝັ້ນບັນດາຄາດໝາຍ, ຈຸດໝາຍ, ໜ້າທີ່ມາດຕະການແກ້ໄຂ ທີ່ໄດ້ວາງອອກແຕ່ຕົ້ນປີ ແລະ ບັນດາມະຕິຂອງລັດຖະບານໃນກອງປະຊຸມປະຈຳເດືອນ. ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ.
“ຈຸດໝາຍແມ່ນຮັບປະກັນເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້. ບັນດາວຽກງານທີ່ພວກເຮົາບັນລຸໄດ້ຢ່າງຕັ້ງໜ້າ, ດີກວ່າ ແຕ່ບໍ່ຄວນປະໝາດ. ຕ້ອງຮັກສາເພື່ອຮັບປະກັນລະດັບເຕີບໂຕເສດຖະກິດ GDP 5,5% ແລະ ຮັບປະກັນຊີວິດສັງຄົມ. ການເຕີບໂຕ GDP 5,2% ກໍ່ເປັນການດີ, ແຕ່ບໍ່ແມ່ນວ່າຕ້ອງບັນລຸດ້ວຍທຸກວິທີ ການເຕີບໂຕຕິດພັນກັບບໍ່ພຽງແຕ່ດ້ານຈຳນວນເທົ່ານັ້ນ ຫາກຍັງດ້ານຄຸນນະພາບ, ປະສິດທິພາບ, ປະສິດທິຜົນແຫ່ງການແກ້ງແຍ່ງອີກດ້ວຍ ຫາກບໍ່ແມ່ນວ່າໄດ້ຮັບການເຕີບໂຕແລ້ວ ຕ້ອງກັບຄືນສູ່ແກ້ໄຂໜີ້ເສຍ”.