ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: TTXVN )

ອາເມລິກາ ຢຸດຕິການຈັດວາງອັດຕາພາສີເພີ່ມເຕີມໃນໄລຍະ 90 ວັນສຳລັບ ຫວຽດນາມແມ່ນບາດກ້າວທີ່ຕັ້ງໜ້າ ນີ້ແມ່ນການຢັ້ງຢືນຂອງທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ທີ່ການຖະແຫຼງຂ່າວນັດສາມັນທີ່ໄດ້ຈັດຂຶ້ນໃນວັນທີ 10 ເມສາ ຢູ່ຮ່າໂນ້ຍ. ຕາມທ່ານນາງແລ້ວ, ບົນຈິດໃຈການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ, ຫວຽດນາມຈະພ້ອມກັບ ອາເມລິກາ ດຳເນີນການເຈລະຈາກ່ຽວກັບຂໍ້ຕົກລົງການຄ້າ ບົນພື້ນຖານເຄົາລົບນັບຖືເຊິ່ງກັນແລະກັນ ເພື່ອແນໃສ່ບັນລຸບັນດາມາດຕະການທີ່ສົມເຫດສົມຜົນມຸ່ງໄປເຖິງຄວາມສົມດູນທາງການຄ້າ, ຍືນຍົງ ແລະ ຕອບສະໜອງຜົນປະໂຫຍດຂອງປະຊາຊົນ, ວິສາຫະກິດສອງປະເທດ. ສິ່ງນີ້ກໍ່ສະແດງໃຫ້ເຫັນຈິດໃຈຂອງການພົວພັນຄູ່ຮ່ວມມືຍຸດທະສາດ ຮອບດ້ານລະຫວ່າງສອງປະເທດ, ກໍ່ຄືຈິດໃຈ 30 ປີແຫ່ງການສ້າງຕັ້ງການພົວພັນທາງການທູດຂອງສອງປະເທດ.